গীতসংহিতা 24:4 - Chakma Bible

⁴ বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 24:4 ပူးပေါင်းရင်းမြစ်များ

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

ইয়োব 9:30

মুই যুনি সাগোন্‌দোই নিজোরে ধোই ফেলাং আর ক্ষারলোই আঢ্‌তান তেল্‌তেল্যে গরং,

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

গীতসংহিতা 18:20

মর্ ন্যায় কাম্ মজিম্ লগেপ্রভু মরে দান গুরিলো, মঅ কামর্ সিজি মজিম্ বক্‌শিজ্ দিলো;

গীতসংহিতা 25:1

ও লগেপ্রভু, মঅ মনান্ মুই তইন্দি তুলি দুয়োঙর্।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

গীতসংহিতা 51:12

তর্ দিয়্যে উদ্ধোরর্ হুজিগান মরে আরঅ দে; তর্ বাধ্য অবার্ আওজর্ মনান্দোই তুই মরে পোত্‌পোত্যে গর্।

গীতসংহিতা 73:1

যিগুনোর মনানি দোল্ সে ইস্রায়েলীয়গুনোর তপ্পেন্দি গোজেনে ঘেচ্চেক্‌গুরি ভালেদি গরে।

গম্ উপদেজ্ 20:9

কন্না কোই পারে, “মঅ মনান্ মুই দোল্ গোজ্যং, মঅ পাপত্তুন্ মুই সাব্ ওইয়োং”?

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

যিহিষ্কেল 18:15

তে মুড়ো উগুরে পূজোর্ জাগায়ানিত্ হানা-দানা ন-গরে বা ইস্রায়েলীয়গুনোর মূত্তিত্ পূজো ন-গরে। তে তার আদাম্মে মিলেরে বর্‌‌‌বাত্ ন-লাগায় বা কাররে অত্যেচার ন-গরে। তে সুদি টেঙালোই কনঅ কিজু বন্ধগ্ ন-নেযায়। তে চুর্ ন-গরে বরং যিবের্ পেট পুরের্ তারে হানা দিয়্যে আর লাংটা-বাংটাগুনোরে কাবড় দিয়্যে।

যিহিষ্কেল 18:6

তে মুড়োমুড়ি উগুরে কনঅ পূজোর্ জাগানত্ হানা-দানা ন-গরে, বা ইস্রায়েলীয়গুনোর কনঅ মূত্তি পূজো ন-গরে। তে আদামর্ কনঅ মিলেরে বর্‌‍‌বাত ন-গরে, বা মাসিক অর্ এবাবোত্যে মিলে লগে ন-মিজেই।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 5:8

যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।