গীতসংহিতা 23:6 - Chakma Bible

⁶ মুই হবর্ পাং সারা জিংকানিবর্ তর্ ভালেদি আর অমকদ কোচ্‌‌পানা মর্ পিজে পিজে এবঅ; আর মুই জিংকানিবর্ লগেপ্রভুর ঘরত্ বজত্তি গুরিম।

গীতসংহিতা 23:6 ပူးပေါင်းရင်းမြစ်များ

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 21:4

তে তইদু জিংকানি চেইয়্যে, আর তুই তারে সিয়েন দুয়োচ্; তুই তারে বোউত্ আয়ু দুয়োচ্।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।