গীতসংহিতা 22:5 - Chakma Bible

⁵ তারা তইদু কানিদাক্ আর রোক্ষ্যে পেদাক্; তঅ উগুরে বিশ্বেজ্ গুরিনে তারা লাজত্ ন-পড়িদাক্।

গীতসংহিতা 22:5 ပူးပေါင်းရင်းမြစ်များ

১ বংশধর 5:20

ইগুনো সমারে যুদ্ধো গুরিবার্‌ সময়োত্‌ গোজেনে তারারে বল্‌ দিয়্যে। তে হাগরীয় আর তারা পক্ষেন্দি বেক্‌ মানুচ্চুনোরে তারা আদত্‌ তুলি দিয়্যে, কিত্তে যুদ্ধোত্‌ তারা গোজেন ইদু তবনা গোজ্যন্‌। তারা তা উগুরে বিশ্বেজ্ গোজ্যন্‌ বিলিনে তে তারার্‌ তবনা জোবপান্‌ দিয়্যে।

গীতসংহিতা 106:44

তো তে তারার কানানিগানি শুনিনে তারান্দি ফিরি চেলঅ।

গীতসংহিতা 31:1

ও লগেপ্রভু, মুই তইদু আশ্রয় নেযেয়োং; মরে কনদিন্‌অ লাজত্ পড়িবাত্তে ন-দিচ্; তর্ ন্যায়বিচেরর্ জোরে মরে তুই রোক্ষ্যে গর্।

গীতসংহিতা 71:1

ও লগেপ্রভু, মুই তইদু আশ্রয় নেযেয়োং, মরে কনদিন্‌অ লাজত্ ন-ফেলেজ্।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

রোমীয় 10:11

পবিত্র বোইবো কয়, “যে কেঅ তা উগুরে বিশ্বেজ্ গরে তে আজা-নেইয়্যে ন-অবঅ।”

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

বিচের গুরিয়্যেগুন 6:6

মিদিয়নীয়গুনে ইস্রায়েলীয়গুনোর অবস্থা এন্‌ ভাজ্‌ন্যেই গুরি তুলিলাক্‌, তারা বল্‌ পেবাত্তে গোজেনর্‌ ইদু কানাকুদি গরা ধুরিলাক্‌।