গীতসংহিতা 22:26 - Chakma Bible

²⁶ নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 22:26 ပူးပေါင်းရင်းမြစ်များ

১ বংশধর 29:10

দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

গীতসংহিতা 107:9

যিগুনোর মনত্ আওজ্ আঘে তে তারার তিরেস্ মিটেই দে, আর যিগুনোর মনত্ পেট্‌পরা আঘে গম গম জিনিস্‌ছোই তে তারারে হাবেই দে।

গীতসংহিতা 116:14

লগেপ্রভু ইদু মুই যেদক্কানি মানত্ গোজ্যং তার বেক মানুচ্চুনো মুজুঙোত্ মুই সিয়েন পূরোণ গুরিম।

গীতসংহিতা 116:18

লগেপ্রভু ইদু মুই যেদক্কানি মানত্ গোজ্যং তার বেক মানুচ্চুনোর মুজুঙোত্ মুই সিয়েন পূরোণ গুরিম;

গীতসংহিতা 40:10

তঅ ধোক্ক্যেন কামর্ কধা মর্ মনত্ মুই লুগেই ন-রাগাং; মুই তর্ বিশ্বেজ্‌ছান আর উদ্ধোর-কামর্ কধানি কোই থাং; তর্ অমকদ কোচ্‌পানা আর তর্ বিশ্বেজর্ কধা দাঙর্ মিটিঙোত্ মুই গুমোর্ ন-গরং।

গীতসংহিতা 40:16

মাত্তর্ যিগুনে তর্ আওজ্ মজিম চলন্ তারা মরে নিইনে হুজি ওদোক্; যিগুনে তর্ করা উদ্ধোরর্ কামান গমপান তারা নিত্য কোদোক্, “লগেপ্রভুর বাঈনী ওক্!”

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 69:32

সিয়েন দেগিনে নম্র মানুচ্চুনে হুজি অবাক্; তুমি যিগুনে গোজেনরে জানিবাত্তে আওজি, তুমি বাঁজি থাগ।

যিশাইয় 25:6

বেগত্তুন্ খেমতাবলা লগেপ্রভু এ মুড়োবো উগুরে বেক্ জাদ মানুচ্চুনোত্তে গম্ গম্ হানা জিনিজোর আর পুরোণ আংগুর-রসর এক্কো দাঙর্ হানা দিবো ; সিয়েনত্ থেবদে বেগত্তুন্ গম্ য়েরাগান আর বেগত্তুন গম্ আংগুর-রসছান্।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যোনা 2:10

পরেদি লগেপ্রভু মাছ্‌‌‌‌‌সোরে উগুম দিলো আর মাছ্‌‌‌‌‌সো যোনারে শুগুনো মাদি উগুরে উগুলিনে নিগিলেই দিলো।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”