24 দুখিগুনোর দুখ্ দেগিনে তারে তে তুচ্ছো বা এলাফেলা ন-গরে; তে তাত্তুন্ নিজোর্ মুয়োন্ ন-ফিরেই, বরং বল্ পেবাত্তে তে তার্ কোজোলীগান শুন্যে।
মুই দজাত্ পড়িনে লগেপ্রভুরে ডাগিলুং; তে মর্ ডাগনিলোই তে ইজিরে দিইনে এক্কান মেলা জাগাত্ মরে নিগিলেই আনিলো।
ও মর্ গোজেন, দিনোত্ মুই তরে ডাগং, মাত্তর্ তুই জোব্ ন-দুয়োচ্; রেদোত্অ মুই জুরো গুরি ন-থাং।
মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্জ্যে মরে ঈচ্ গুরিদাক্।
এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।
মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”
তঅ চাগর্বোর ইন্দিত্তুন তর্ মুয়োন তুই ফিরেই ন-রাগেচ্; মুই দযাত্ পোজ্যং, মরে যাদিমাদি জোব্ দে।
যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।
যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।