গীতসংহিতা 22:20 - Chakma Bible

²⁰ তলোয়ার মুয়োত্তুন্ মর্ পরাণান, সেই কুগুরুনো মুয়োত্তুন্ মর্ জিংকানিগান তুই রোক্ষ্যে গর্।

গীতসংহিতা 22:20 ပူးပေါင်းရင်းမြစ်များ

গীতসংহিতা 17:13

ও লগেপ্রভু, তুই উঠ্, তারারে থামা, তারারে মাদিত্ ফেলেেই দে। তর্ লাম্বা ছুড়িলোই পাজিগুনোর্ আঢত্তুন মরে উদ্ধোর্ গর্।

গীতসংহিতা 35:17

ও প্রভু, আর কয়দিন তুই ইয়েনি দেগেবে? তারার্ অত্যেচারত্তুন্ মরে রোক্ষ্যে গর্; এ সিংহগুনো আঢত্তুন্ মর্ মূল্যবান জিংকানিগান বাঁজা।

গীতসংহিতা 40:14

যিগুনে মরে মারে ফেলেবার চেরেস্‌তাত্ আগন্ তারা বেক্কুনে লাজত্ আর অগমানত্ পোড়োদোক্; যিগুনে মর্ নাশ দেগিবাত্তে চান তারা মাঢাবো তলে গুরিনে ফিরি যাদোক্।

গীতসংহিতা 69:18

তুই মইদু এইনে মরে ছাড়েই নেযা; তুই মরে উদ্ধোর গর্, কিত্তে মর্ শত্রু আগন্।

গীতসংহিতা 7:3

ও লগেপ্রভু, মর্ গোজেন, যুনি মুই এমন্ কিজু গুরি থাং, যুনি অন্যেয়র্ কনঅ কলংগ মঅ আঢত্ বাজে,

গীতসংহিতা 70:2

যিগুনে মরে মারে ফেলেবার চেরেস্তাদ্ আগন্ তারা লাজত্ পোড়োদোক্ আর অগমান ওদোক্; যিগুনে মর্ সর্বনাশ দেগিবাত্তে চান তারা মাধাবো তলেন্দি গুরি ফিরি যাদোক্।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।