গীতসংহিতা 22:17 - Chakma Bible

¹⁷ মর্ আড়ুন্ মুই গুণি পারং; সেই মানুচ্চুনে মরে আহ্ গুরি চেই রোইয়োন আর মন্দি চেই আগন্।

গীতসংহিতা 22:17 ပူးပေါင်းရင်းမြစ်များ

ইয়োব 33:21

তা কিয়্যেগানর য়েরানিয়ো এক্কুবারে ক্ষয় ওই যায়; সেক্কে য়েরা ভিদিরে আড়ুন নিগিলিবাক্।

যিশাইয় 52:14

তা চেঙারাগান আর কিয়্যেগান এদক্ বিশ্রী গুরি দিয়্যে অবঅ, সিয়েন আর কনঅ মান্‌জ্য ধোক্ক্যেন ন-থেবঅ; সেনত্তে ভালোকজনে তারে দেগিলে আমক্ অবাক্।

মথি লেখ্যে গম্ হবর্ 27:36

পরেদি তারা সিয়েনত্ বুয়োইনে তারে চুগি দিয়্যে ধুরিলাক্।

লূকে লেখ্যে গম্ হবর্ 23:27

বোউত্ মানুচ্‌ যীশুর্ পিজে পিজে যাদন্। সিগুনো ভিদিরে ভালোক্কুন্ মিলেয়ো এলাক্। তারা বুগ্ চাবেড়ে চাবেড়ে কানদন্।

লূকে লেখ্যে গম্ হবর্ 23:35

যেক্কেনে ইহূদী নেতাগুনে যীশুরে ঠাট্টা-মশ্‌কারি গরা ধুরিলাক্ সেক্কেনে মানুচ্চুনে সিয়েনত্ থিয়্যেইনে রিনি চাহ্ ধুরিলাক্। “তে দঅ অন্যগুনোরে রোক্ষ্যে গুরিদো। যুনি তে মশীহ অয় যিবেরে গোজেনে বেঈ লোইয়্যে সালে তে নিজোরে রোক্ষ্যে গোরোক্!”