13 শিগের্ তোগেবাত্তে সিংহগুনে যেধোক্ক্যেন্ গুজুরোন্, সেধোক্ক্যেন্ গুরি তারা মঅ বিরুদ্ধে মুয়োন্ আহ্ গোজ্যন্।
মরে ঠাট্টা গুরিবাত্তে মান্জ্যে মুয়োন্ খুল্যন্; ঘিনেইনে তারা মঅ গালানত্ চুয়োর্ মাজ্যন্ আর মঅ বিরুদ্ধে একলগে এগত্তর্ অন্।
তারা সিংহ ধোক্ক্যেন শিগেরত্তে পাগল, যেনে আন্দলে হাফ্দি থেইয়্যে দামাড়া সিংহ।
সে সিংহগুনোর্ মুয়োত্তুন্ তুই মরে উদ্ধোর গর্। তুই সেই ঝাড়্বো বলদ্ গোরুগুনো শিঙুনোত্তুন্ মরে রোক্ষ্যে গুরিলে।
যিগুনে মরে রিনি চান্ তারা বেক্কুনে মরে ঠাট্টা গরন্। তারা মরে মু ভেঙান্, আর মাধাবো লাড়েইনে কন্,
ও প্রভু, আর কয়দিন তুই ইয়েনি দেগেবে? তারার্ অত্যেচারত্তুন্ মরে রোক্ষ্যে গর্; এ সিংহগুনো আঢত্তুন্ মর্ মূল্যবান জিংকানিগান বাঁজা।
মর্ বিরুদ্ধে তারা মুয়োন ভেঙেইনে কোইয়োন, “অয়, অয়, আমি নিজো চোগেদি দেখ্যেই।”
সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।
তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”
আমা বেক্ শত্রুগুনে আমা বিরুদ্ধে মুয়োন দাঙর্ গুরিনে আ গোজ্যেন্।
নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।