গীতসংহিতা 20:7 - Chakma Bible

⁷ কয়েকজনে তারার্ রথ্‌তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।

গীতসংহিতা 20:7 ပူးပေါင်းရင်းမြစ်များ

২ শমূয়েল 10:18

মাত্তর্‌ ইস্রায়েলীয়গুনো মুজুঙোত্তুন্‌ তারা ধেই গেলাক্। সেক্কে দায়ূদে তারার সাতশত্‌ রথচালেয়্যে আর চোল্লিশ আজার ঘোড়াবাহিনীরে মারে ফেলেল। তে তারার্‌ সেনাপতি শোবকরেয়ো আঘাত্‌ গুরিলো; সেক্কে শোবকে সিদু মুরি গেলঅ।

২ শমূয়েল 8:4

দায়ূদে তার এক আজার সাতশ ঘোড়াবলা সৈন্য আর কুড়ি আজার অার্মি আক্‌সোই রাগেল। তারার একশত্‌তুয়ো ঘোড়ার রথ রাগেইনে তে বাগি বেক্‌ ঘোড়ার টেঙঅ রক্কুন্‌ কাবি দিলো।

২ বংশধর 13:16

যিহূদার মুজুঙোত্তুন্‌ ইস্রায়েলীয়গুনে ধেই যাহ্ ধুরিলাক্‌ আর গোজেনে তারারে যিহূদার মানুচ্চুনো আঢত্‌ তুলি দিলাক্‌।

২ বংশধর 14:11

সেক্কে আসা তার্‌ গোজেন লগেপ্রভুরে ডাগিনে কলঅ, “ও লগেপ্রভু, তুই যেধোক্ক্যেন বোলী মানুচ্চুনোরে বল্‌ দি থাচ্‌ সেধোক্ক্যেন দঅ বল্‌নেইয়্যে মানুচ্চুনোরেয়ো বল্‌ দি পারচ্‌। সেনত্তেই ও আমা গোজেন্‌ লগেপ্রভু, আমারে বল্‌ দে, কিত্তে আমি তঅ উগুরে বিশ্বেজ্‌ গুরিই আর তর্‌ নাঙে আমি এ দাঙর্‌ সৈন্যদল বিরুদ্ধে এচ্ছ্যেই। ও লগেপ্রভু, তুয়ই আমার্‌ গোজেন, মানুচ্চুনোরে তর্‌ বিরুদ্ধে জিদিবাত্তে ন-দিস্‌।”

২ বংশধর 32:8

তা লগে আগন্‌ বানা মান্‌জ্যর্‌ বলানি, মাত্তর্‌ আমারে বল্‌ দিবাত্তে আর আমা পক্ষেদি যুদ্ধো গুরিবাত্তে আমা লগে আগে আমা গোজেন লগেপ্রভু।” মানুচ্চুনে যিহূদার রাজা হিষ্কিয়র কধাগান শুনিনে তা কধা উগুরে বিশ্বেজ্ গুরিলাক্‌।

ইয়োব 39:11

তার্ অমকদ বলানত্তে কি তা উগুরে তুই বিশ্বেজ্ গুরিবে? তর্ গুয়োর্ কামানি কি তুই তারে গুরিবাত্তে দিবে?

গীতসংহিতা 28:8

লগেপ্রভু তা মানুচ্চুনোর বল্; তেয়ই তার্ অভিষেগ্ গোজ্যে মানুচ্চুনোর রোক্ষ্যেগুরিয়্যে তাম্বুলো ধোক্ক্যেন্।

গীতসংহিতা 45:17

বংশর পর বংশগুনোর ইদু মুই তর্ নাঙান্ বাঁজেই রাগেম; সেনত্তেই নানান্ জাদে যুগ যুগ ধুরিনে তর্ বাঈনী গুরিবাক্।

গম্ উপদেজ্ 21:31

যুদ্ধোর্ দিনুনোত্তে ঘোড়াগুন যুক্কোল্ রাগা অয়, মাত্তর্ জিদেনা লগেপ্রভু উগুরে নির্ভর গরে।

যিশাইয় 30:16

তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”