গীতসংহিতা 20:5 - Chakma Bible

⁵ তর্ জিদেনালোই আমি যেন হুজি ওই আর আমা গোজেন নাঙে বাবতা উড়েই। লগেপ্রভু তর্ বেক্ তবনাগানি গ্রাজ্য গোরোক্।

গীতসংহিতা 20:5 ပူးပေါင်းရင်းမြစ်များ

গীতসংহিতা 118:15

গম্ মানুচ্চুনো ঘরত্ উদ্ধোরর হুজি রঅ শুনো যায়; লগেপ্রভুর খেমতাবলা আঢ্‌তানিয়ে দোল্ কাম গোজ্যে।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 19:4

তো তারার্ ডাগনিগান গোদা পিত্‌‌‌থিমীত্ ছিদি পোজ্যে; তারার্ কধানি ছিদি পোজ্যে পিত্‌‌থিমীর থুমোর্ দুযি সং। আগাজত্ বেলানত্তে তে এক্কান্ তাম্বুল্ ঠাঙেয়্যে;

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 21:3

ভালেদির্ বোউত্ আশিদ্‌বাদ নিইনে তুই তারে আগ্‌বাড়েই আনিবাত্তে যেইয়োচ্, তা মাঢাবোত্ দুয়োচ্ খাটি সনার মুকুট।

গীতসংহিতা 35:9

সেক্কে লগেপ্রভুরে নিইনে মুই ফুত্তি গুরিম; তার্ দিয়্যে উদ্ধোরে মুই ফুত্তি গুরিম।

গীতসংহিতা 60:4

যিগুনে তরে ভোক্তি গরন্ তারারে তুই এক্কান বাবতা দুয়োচ্, যেনে সিয়েন তুলিলে ধরা যায় সত্যর্ পক্কে।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যাত্রা 17:15

পরেদি মোশি এক্কান ডালিপূজো বানেইনে তার্‌ নাঙান্‌ দিলো যিহোবা নিঃষি (যিয়েনর্ ভেদ্‌তান্ “লগেপ্রভুই মর্‌ বাবতা”)।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

১ শমূয়েল 1:17

সেক্কে এলি কলঅ, “তর্‌ মনান্‌ শান্ত ওক্। ইস্রায়েলীয়গুনোর গোজেন ইদু তুই যিয়েনি চেয়োচ্‌ সিয়েনি যেনে তে তরে দে।”

১ শমূয়েল 17:45

সেক্কে দায়ূদে সেই পলেষ্টীয়বোরে কলঅ, “তুই মইদু এজত্তে লাম্বা কিরিচ্‌, শেল্‌ আর ছুড়িলোই, মাত্তর্‌ মুই তইদু এজঙর্‌ পুরো খেমতার অধিকারী লগেপ্রভু, ইস্রায়েলীয় সৈন্যদলুনোর গোজেনর নাঙান্দোই, যিবেরে তুই ঘিনেয়োচ্‌।