গীতসংহিতা 20:3 - Chakma Bible

³ তর্ বেক্ উৎসর্বর কধানি তার্ মনত্ থোক্, তর্ পুজ্যে-উৎসর্বগুন তে গুজিই লোক্।

গীতসংহিতা 20:3 ပူးပေါင်းရင်းမြစ်များ

পত্থম 4:4

হেবলেয়ো তা পালত্তুন্ পত্তমে জর্মেয়্যে কয়েক্কো ভেড়া আনিনে সিগুনোর তেলানি উৎসর্ব গুরিলো। লগেপ্রভু হেবল আর তা উৎসর্বয়ানি গুজি ললঅ,

১ বংশধর 21:26

দায়ূদে সিদু লগেপ্রভুর নাঙে এক্কো ডালিপূজো বানেল আর পূজ্যে-উৎসর্ব আর উদোলোলি-উৎসর্বর পরব্‌ গুরিলো। তে লগেপ্রভু ইদু কোজোলি গুরিলো আর লগেপ্রভু পূজ্যে-উৎসর্বর ডালিপূজো উগুরে স্বর্গত্তুন্‌ আগুন্‌ পাধেইনে জোব্‌ দিলো।

২ বংশধর 7:1

শলোমনর্ তবনাগান থুম্‌ অলে স্বর্গত্তুন্‌ আগুন্‌ লামি এইনে পূজ্যে আর অন্য উৎসর্বর জিনিসছানিরে পুড়ি ফেলেল আর উবোসনা-ঘরান লগেপ্রভুর্‌ মহিমায় পরিপূরণ অলঅ।

গীতসংহিতা 128:5

সিয়োনত্তুন্ লগেপ্রভু তরে বর্ দিবো; জিংকানিবর্ তুই যেন যিরূশালেমর ভালেদি দেগচ্।

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

গীতসংহিতা 51:19

সালে যগাজ্যে মনভাব্‌পোই গোজ্যে উৎসর্বর অনুষ্ঠানত্, পুজ্যে-উৎসর্ব আর শেজন্দি পুজ্যে-উৎসর্বত্ তুই হুজি অবে, আর তর্ পুজোবো উগুরে মান্‌জ্যে বলদ্ গোরু উৎসর্ব গুরিবাক্।

যিশাইয় 60:7

কেদরর ভেড়া পালুন্ তঅ মুজুঙোত্ তুবেবাক্, নবায়োতর ভেড়াগুন তঅ কামত্ লাগিবাক্; মঅ পূজোবো উগুরে উৎসর্ব ইজেবে মুই সিগুন গুজি লোম্, আর মর্ বাঈনী গরেদে ঘরানি মুই আরঅ বাঈনী গরে পারা গুরিম।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।