গীতসংহিতা 19:14 - Chakma Bible

¹⁴ ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

গীতসংহিতা 19:14 ပူးပေါင်းရင်းမြစ်များ

ইয়োব 19:25

মুই হবর্‌ পাং মর্‌ উদ্ধোর গুরিয়্যেবো জেদা আঘে; যেরেদি তে পিত্‌থিমীগান উগুরেদি এইনে থিয়্যেব।

গীতসংহিতা 104:34

মর্ ধ্যান গরানা তাইদু মধুর ওক্; মুই লগেপ্রভুর লগে এগত্তর্ ওইনে ফুত্তি গুরিম।

গীতসংহিতা 119:108

ও লগেপ্রভু, মুই নিজোর আওজে যে নাঙ্ গিনিবার উৎসর্ব গরং সিয়েন তুই গুজি লঅ, আর তর্ সুদোমানি মরে শিক্ষ্যে দে।

গীতসংহিতা 51:15

ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 47:4

আমা উদ্ধোরগুরিয়্যে অলঅ ইস্রায়েলর সেই সুদ্ধো-সাংগ মানুচ্চো; তা নাঙান বেগত্তুন্ খেমতাবলা লগেপ্রভু গোজেন।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।