গীতসংহিতা 19:12 - Chakma Bible

¹² নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

গীতসংহিতা 19:12 ပူးပေါင်းရင်းမြစ်များ

ইয়োব 6:24

মরে শিক্ষ্যে দুয়ো, মুই জুরো গুরি থেম্‌; কুদু মঅ ভুলান্‌ সিয়েন্‌ মরে দেগেই দুয়ো।

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

গীতসংহিতা 139:6

তর্ এ জ্ঞানান্ মুই বুঝি ন-পারঙর্; সিয়েন অমকদ উগুরে, মঅ খেমতার বারেদি।

গীতসংহিতা 40:12

কিয়া ভালোক্কানি দযায় মরে ঘিরিনে ধোজ্যে; পাপে মঅ পিজেন্দি লড়ার্ মঅ উগুরে লুম্মেগি। মুই ন-দেগঙর্; সিয়নি মর্ চুলানিত্তুন্‌অ বেশ্; সাহস কদে মর্ আর্ কিচ্ছু নেই।

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

গীতসংহিতা 65:3

মর্ অন্যেয় কামত্ মুই তলে পড়ি আগং, মাত্তর্ তুই আমা বেক পাপ্পানি খেমা গুরি থাচ্।

গীতসংহিতা 90:8

আমা অন্যেয়ানি তুই তঅ মুজুঙোত্ রাগাচ্; তর্ পহ্‌রে আমা লুগেয়্যে পাপ্‌পানি ফগদাং অয়।

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

গম্ উপদেজ্ 13:13

যে মানুচ্চো গোজেন কধানি বাজে মনে গরে তে নিজো দজাগান্ ডাগি আনে, মাত্তর্ যে মানুচ্চো গমেডালে দোরেইনে গোজেন উগুমানি মানে তে তার পাওনা পায়।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

১ করিন্হীয় 4:4

মর্ বিবেক্‌কান্ সাব্, মাত্তর্ সিয়েন্দোই ইয়েন প্রমাণ ন-অত্তে যে, মুই নিদ্দুজি। প্রভু মর্ বিচের্ গুরিবো।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।