গীতসংহিতা 19:10 - Chakma Bible

¹⁰ সিয়েন সনাত্তুন্‌অ, ভালোক্কানি খাটি সনাত্তুন্‌অ বেশ্ বেশ্ আওজ্ গোজ্যে জিনিস। সিয়েন মধুত্তুন্অ বেশ্ মিদে, মুবাত্তুন্ ঝোজ্যে মধুত্তুন্অ বেশ্ মিদে।

গীতসংহিতা 19:10 ပူးပေါင်းရင်းမြစ်များ

ইয়োব 23:12

তা উগুমানিত্তুন্ মুই সুরি ন-এজং; মর্ নিত্য খাইদে জিনিজোত্তুন্অ বেশ্ তা মুয়ো কধানি মুই বোউত্ দাম দুয়োং।

গীতসংহিতা 119:103

তর্ বেক এগেমানি মঅ জিলানত্ কেজান্ মিদে লাগে! সিয়েন মর্ মুয়োন্দি মধুত্তুন্অ বেশ্ মিদে লাগে।

গীতসংহিতা 119:127

সেনত্তে মুই তর্ বেক উগুমানি সোনাত্তুন্ বেশ্, খাটি সোনাত্তুন বেশ্ গম পাং।

গীতসংহিতা 119:72

তর্ মুয়োর উগুমানি মইদু আজার্ আজার্ সোনা-রূবোত্তুন্অ বেশ্ মংগা।

গীতসংহিতা 63:5

য়েরা আর আড় মগজ্‌সোই ঈল্ ওইয়্যে মান্‌জ্য ধোক্ক্যেন মঅ পরাণান্ ; মর্ মুয়োনে অমকদ হুজিয়ে তরে নাঙ্ গিনিবো।

গম্ উপদেজ্ 16:16

সনাত্তুন্ বেশ্ জ্ঞান পানা কত্তমান্ গম্! আর রূবোত্তুন বেশ্ বিচের বুদ্ধি পানা কত্তমান্ গম!

গম্ উপদেজ্ 24:13

মঅ পুয়োবো, মধু হা, কিত্তে সিয়েন গম; মু বাত্তুন্ মধু হা, সিয়েন তঅ মুয়োদি মিদে লাগিবো।

গম্ উপদেজ্ 8:19

সনাত্তুন্‌অ বেশ্, এন্ কি, খাটি সনাত্তুন্‌অ বেশ্ মর্ দিয়্যে ফলুন গম্; মুই যিয়েনি দুয়োং সিয়েনি বেঈ লোইয়্যে রূবোত্তুন্‌অ বেশ্ খাটি।

ফগদাং পেইয়্যে 10:10

সেক্কে স্বর্গদূত্‌তো আঢত্তুন্ মুই সেই চিগোন বোইবো লোইনে হেই ফেলেলুং। মঅ মুয়োনত্ সিবে মধু ধোক্ক্যেন মিধে লাগিলো, মাত্তর্ হেই ফেলানার্ পরেদি মঅ পেট্‌তো তিদে ওই গেলঅ।