গীতসংহিতা 18:7 - Chakma Bible

⁷ সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

গীতসংহিতা 18:7 ပူးပေါင်းရင်းမြစ်များ

গীতসংহিতা 34:16

যিগুনে ভান্ন্যেই কাম্ গরন লগেপ্রভু তারা বিরুদ্ধে থিয়্যেই, যেনে পিত্‌থিমী বুগোত্তুন্ তারার নাঙানি উদি যায়।

গীতসংহিতা 34:18

যিগুনোর মনানি ভাঙি যেয়েগোই লগেপ্রভু তারা ইদু থায়; যিগুনোর মনানি ভাঙি যেয়েগোই তে তারারে উদ্ধোর্ গরে।

গীতসংহিতা 39:13

মঅ উগুরেত্তুন তর্ চানাগান সোরেই নেযা, যেনে যেবার্ আগেন্দি, শেজ্ ওই যেবার আগেন্দি, আরঅ মুই হুজি ওই পারং।”

গীতসংহিতা 40:2

তে মরে তুলি আনিলো মুরি যাইদে গাঢত্তুন্, সেই এলাফেলালোই ভোজ্যে গাঢত্তুন্। তে মরে পাত্তর উগুরে থিয়্যেবাত্তে দিলো আর দর মাঢি উগুরে আঢিবাত্তে দিলো।

গীতসংহিতা 46:2

যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

যিরমিয় 4:24

দাঙর্ দাঙর্ মুড়োমুড়ি ইন্দি রিনি চেলুং, সিগুনে গির্‌গিরেদন; বেক্ চিগোন চিগোন মুড়োমুড়িগুনে দুলোদন্।‌‍

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

মথি লেখ্যে গম্ হবর্ 28:2

সেক্কে আদিক্ক্যেগুরি জদবদে ভূজোল্ বেলঅ, কিয়া প্রভুর্ এক্কো দূত স্বর্গত্তুন্ লামি এলঅ আর গোরান মুয়োনত্তুন্ পাত্তর্‌বো সোরেই দিইনে সিবে উগুরে বুজিলো।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।

বিচের গুরিয়্যেগুন 5:4

ও লগেপ্রভু, তুই যেক্কে সেয়ীরত্তুন্‌ যাহ্ ধুরিলে, ইদোম দেজত্তুন্‌ নিগিলি গেলে, সেক্কে পিত্‌থিমীগান গির্‌গিরে উদিলো আর আগাজত্তুন্‌ মেঘ্‌কানে পানি ঢালি দিলো।