গীতসংহিতা 18:6 - Chakma Bible

⁶ মুই এ দজাত্ মর্ গোজেন লগেপ্রভুরে ডাগিলুং আর বল্ পেবাত্তে তাইদু কানাকুদি গুরিলুং। তার্ থেবার ঘরানত্তুন্ তে মর্ রঅবো শুনিলো; মর্ কানানিগান তাইদু লুমিলো আর তা কানত্ গেলঅ।

গীতসংহিতা 18:6 ပူးပေါင်းရင်းမြစ်များ

২ শমূয়েল 22:7

মুই এ দযাত্ মঅ গোজেন লগেপ্রভুরে ডাগিলুং আর বল্‌ পেবাত্তে তাইদু কানাকুদি গুরিলুং। তার্‌ থেবার জাগানত্তুন্‌ তে মর্‌ মুয়ো রঅবো শুনিলো; মর্‌ কানানিগান কানত্‌ লুমিলো।

২ বংশধর 30:27

যেরেন্দি যে লেবীয়গুনে ধর্মগুরু এলাক্‌ তারা থিয়্যেইনে মানুচ্চুনোরে বর্ দিলাক্‌, আর গোজেনে তারার্‌ তবনাগান শুনিলো, কিত্তে তারার্‌ তবনাগান্‌ স্বর্গত্‌ তার্‌ পবিত্র থেবার্‌ জাগানত্‌ লুম্মেগোই।

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

গীতসংহিতা 120:1

মুই দজাত্ পড়িনে লগেপ্রভুরে ডাগিলুং, তে মরে জোব্ দিলো।

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 55:5

মরে দর্‌বুগে আর গির্‌গিরেনিয়ে ধোজ্যে; অমকদ দরে মুই জুরো গুরি আগং।

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

হবক্‌‌‌‌কূক 2:20

মাত্তর্ লগেপ্রভু তার্ সুদ্ধো-সাংগ ঘরত্ আঘে; বেক্ পিত্‌থিমীগান তা মুজুঙোত্ জুরোগুরি থোক্‌‌‌‌‌‌।”

মার্ক 14:36

তে কলঅ, “বাবা, মঅ বাপ্পো, তইধু দঅ বেক্কানি সম্ভব। এই দুঘোর্ গলচ্চো মত্তুন্ তুই নেযা। তো মর্ আওজ্ মজিম ন-ওক্, মাত্তর্ তর্ আওজ্ মজিম ওক্।”

প্রেরিত্‌ 12:5

ইয়েনত্যে পিতররে জেলখানাত্ আক্‌সোই রাগা অলঅ। মাত্তর্ মন্ডলী মানুচ্চুনে গোজেন ইধু পিতরত্যে কোজোলী গুরিনে তবনা গত্তন্।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।