গীতসংহিতা 18:43 - Chakma Bible

⁴³ ও লগেপ্রভু, মানুচ্চুনোর উল্লোমিত্তুন্ তুই মরে উদ্ধোর্ গোজ্যস্, অন্য জাদ্‌‌তুনো উগুরে মরে নেতা বানেয়োচ্; মুই যিগুনোরে ন-চিনিদুং তারায়ো মঅ তলেদি ওইয়োন।

গীতসংহিতা 18:43 ပူးပေါင်းရင်းမြစ်များ

২ শমূয়েল 19:9

ইস্রায়েলর পুরো গুট্টিগুনো ভিদিরে মানুচ্চুনে তর্কাতর্কি গুরিনে কুয়ো ধুরিলাক্, “রাজা শত্রুগুনোর আঢত্তুন্‌ আমারে রোক্ষ্যে গোজ্যে; পলেষ্টীয়গুনো আঢত্তুন্‌ তেয়ই আমারে উদ্ধোর্ গোজ্যে। মাত্তর্‌ ইক্কিনে তে অবশালোমত্তেই দেজত্তুন্‌ ধেই গেলঅ।

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

গীতসংহিতা 108:9

মোয়াবপান মর্ টেঙ্ ধবার জাগা; মুই ইদোম উগুরে মঅ টেঙর্ জদাগানি মেলা মারিম, আর পলেষ্টীয়া উগুরে জিদেনার কধা কোম।”

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

ইফিষীয় 1:22

গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।