গীতসংহিতা 18:34 - Chakma Bible

³⁴ তাত্তুন্ মঅ আত্তানিয়ে যুদ্ধো গুরিবাত্তে শিক্ষ্যে, সেনত্তে মঅ আত্তানিয়ে পিদোল ধনুগানিরে বেঙা গুরি পারে।

গীতসংহিতা 18:34 ပူးပေါင်းရင်းမြစ်များ

২ শমূয়েল 22:36

ও লগেপ্রভু, তঅ রোক্ষ্যেগুরিয়্যে ঢালান তুই মরে দুয়োচ্‌; তঅ যত্তন্‌দোই তুই মরে দাঙর্‌ বানেয়োচ্‌।

গীতসংহিতা 144:1

লগেপ্রভুর বাঈনী ওক্, তে মর্ আশ্রয়-মুড়ো; তে মঅ আঢ্‌তানরে যুদ্ধো গুরিবাত্তে শিগেয়্যে, মঅ আঙুলুনোরে লড়াই গুরিবাত্তে শিগেয়্যে।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

যিশাইয় 28:6

তে বিচেরগর্ মনত্ ন্যায়বিচেরর্ মনভাব্ দিবো। যিগুনে গেদো কায়-কুরেত্তুন যুদ্ধো সোরেই দুয়োন্ তারারে তে বল্ দিবো।

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিরমিয় 49:35

“মুই বেগত্তুন্ খেমতাবলা লগেপ্রভু কঙর্, মুই এলমর ধনু, তারার খেমতার আজল্ খুদোবো ভাঙি ফেলেম।

হোশেয় 1:5

সেদিন্যে মুই যিষ্রিয়েলর কলগত্ ইস্রায়েলর ধনুগান ভাঙি ফেলেম।”

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।