গীতসংহিতা 18:21 - Chakma Bible

²¹ কিয়া লগেপ্রভুর পধেদি মুই আঢাউদো গোজ্যং; ভান্ন্যেই কাম গুরিনে মঅ গোজেনর্ কায়-কুরেত্তুন সুরি ন-যাং।

গীতসংহিতা 18:21 ပူးပေါင်းရင်းမြစ်များ

২ বংশধর 20:32

যিহোশাফটে তা বাপ্পো আসার পধেন্দি চলিদো আর কনদিন্‌অ সে পথতান্‌ ছাড়িনে ন-যায়। লগেপ্রভুর চোগেদি যিয়েন্‌ ঠিগ্‌ তে সিয়েনই গুরিদো।

২ বংশধর 34:33

যোশিয় ইস্রায়েলীয়গুনোর গজক্ গোজ্যে বেক্‌ দেজ্‌ছানিত্তুন্‌ জঘন্য মূত্তিগুন্‌ দূর্‌ গুরি দিলো আর ইস্রায়েলত্‌ আঝিল্ ওইয়্যে বেক্কুনোরে দিইনে তে তারার্‌ গোজেন লগেপ্রভুরে সেবা গুরিল। যেদকদিন তে বাঁজি এলঅ সেদকদিন মানুচ্চুনে তারার্‌ পূরোণি মানুচ্চুনোর্‌ গোজেন লগেপ্রভুর পধেন্দি চোল্যন্‌।

গীতসংহিতা 119:102

তর্ সুদোমর পথ্‌তানত্তুন্ মুই সোরেই ন-যাং, কিত্তে তুই নিজেই মরে শিগেই দুয়োচ্।

গীতসংহিতা 17:4

মান্‌জ্যে যেদক্কানি কাম গরন সিয়েনি ন-গুরিনে তর্ মুয়ো কধালোই জুলুমোর্ পদত্তুন্ মুই নিজোরে সোরেই রাগেয়োং।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

গম্ উপদেজ্ 8:32

“মঅ পুয়োগুন, ইক্কিনে মঅ কধাগান শুনো; যিগুনে মঅ পধেদি চলন্ তারা সুগি।

দানিয়েল 6:23

সেক্কে রাজা অমকদ হুজি অলঅ আর সেই গাদ্‌‌‌‌‌তোত্তুন্ দানিয়েলরে তুলি আনিবার উগুম দিলো। দানিয়েলরে তুলোনার পরেদি তা কিয়্যেত্ কনঅ আঘাত্ দেগা ন-গেলঅ, কিত্যে তে তার গোজেন উগুরে বিশ্বেজ্ গোজ্যে।

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।