গীতসংহিতা 18:20 - Chakma Bible

²⁰ মর্ ন্যায় কাম্ মজিম্ লগেপ্রভু মরে দান গুরিলো, মঅ কামর্ সিজি মজিম্ বক্‌শিজ্ দিলো;

গীতসংহিতা 18:20 ပူးပေါင်းရင်းမြစ်များ

ইয়োব 22:30

ইগুন বাদেয়ো তে অন্য দুষি মানুচ্চুনোরেয়ো উদ্ধোর্‌ গুরিবো; তঅ আঢ্‌তান সিজি বিলিনে তারা উদ্ধোর্‌ পেবাক্‌।”

ইয়োব 36:16

দুগোর্ আধত্তুন তে তরে নিগিলেনেই আনিবাত্তে চায়; তে তরে এমন্ দাঙর্ জাগাত্ নেযেবাত্তে চায় যিয়েনত্ কনঅ মানা নেই। সিয়েনত্ তর্ টেবিলান দোল্ দোল্ হানালোই ভরা থেবঅ।

গীতসংহিতা 118:5

মুই দজাত্ পড়িনে লগেপ্রভুরে ডাগিলুং; তে মর্ ডাগনিলোই তে ইজিরে দিইনে এক্কান মেলা জাগাত্ মরে নিগিলেই আনিলো।

গীতসংহিতা 18:24

সেনত্তে লগেপ্রভু মরে বক্‌শিজ্ দিয়্যে তা চোগেদি মর্ ন্যায়র্ কাম্ মজিম্, মঅ কামর্ সিজি মজিম্।

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গীতসংহিতা 31:9

ও লগেপ্রভু, মরে দোয়্যে গর্, কিত্যে মুই দুঘোত্ আগং; দুঘে মঅ চোখকুন্ আর মঅ কিয়্যে-মনান্ ভাঙি পোজ্যে।

গীতসংহিতা 58:11

সিয়েন দেগিনে মান্‌জ্যে কবাক্, “গোজেন ভক্তগুনোর্ জিংকানিত্ ঘেচ্ছেকগুরি বক্‌শিজ্ আঘে; ঘেচ্চেকগুরি এক্কো গোজেন আঘে যিবে পাজিগুনোরে পিত্‌থিমীত বাঁজি থাগদে বিচের গরে।”

গীতসংহিতা 7:3

ও লগেপ্রভু, মর্ গোজেন, যুনি মুই এমন্ কিজু গুরি থাং, যুনি অন্যেয়র্ কনঅ কলংগ মঅ আঢত্ বাজে,

গীতসংহিতা 7:8

লগেপ্রভু যেনে তারারে বিচের্ গরে। ও লগেপ্রভু, মর্ ন্যায় কাম্ আর গম্ কাম মজিম্ তুই মরে বিচের্ গর্।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

যিশাইয় 49:4

মাত্তর্ মুই কলুং, “মঅ কামান ন-ফলে; মুই ভান্ন্যেই আজালোই লাভ নেইয়্যে গুরি মঅ বলান্ ফেলেয়োং। তো মর্ যিয়েনি পাওনা সিয়েনি লগেপ্রভুর্ আঢত্ রোইয়্যে, আর মঅ বক্‌‍শিজচান গোজেন ইদু আঘে।”

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

মথি লেখ্যে গম্ হবর্ 6:4

যেন তর্ দান গরানাগান্ গুমুরোত্ অয়। সেক্কে তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

১ করিন্হীয় 3:8

যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্‌শিজ্ পেবাক্,

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

১ শমূয়েল 24:17

তে দায়ূদোরে কলঅ, “তুই মত্তুন্‌ বেশ্‌ ন্যায়বলা, কিত্যে মুই তর্‌ লগে ভান্ন্যেই বেবহার গুরিলেয়ো তুই মর্‌ লগে দোল্‌ বেবহার্‌ গোজ্যচ্‌।