গীতসংহিতা 18:2 - Chakma Bible

² লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 18:2 ပူးပေါင်းရင်းမြစ်များ

২ শমূয়েল 22:3

মঅ গোজেনে মর্‌ অজল্ মুড়োবো, সিবে ভিদিরে মুই আশ্রয় নেযাং। তেয়ই মর্‌ ঢাল, মর্‌ রোক্ষেগুরিয়্যে শিং, মর্‌ অজল্ চিগোন্‌ ঘরান, মর্‌ থেবার্‌-জাগায়ান। অত্যেচারী মানুচ্চুনোর আঢত্তুন্‌ তুই মরে রোক্ষ্যে গর্‌।

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গীতসংহিতা 132:17

মুই সিদু দায়ূদোত্তে এক্কো খেমতাবলা বংশ তুলি দিম; মর্ অভিষেগ্ গোজ্যে মানুচ্চুনোত্তে মুই এক্কো চেরাগ্ জ্বালেবার সুদোম্ গোজ্যং।

গীতসংহিতা 144:2

তেয়ই মর্ বিশ্বেজ্ গুরিবার সাহায্যগুরিয়্যে, মর্ ঘর, মর্ অজল্ আশ্রয় জাগা আর উদ্ধোরগুরিয়্যে; তেয়ই মর্ ঢাল্, মুই তাইদু আশ্রয় নেযাং; তেয়ই মঅ মানুচ্চুনোরে মঅ অধীনোত্ আনে।

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 59:11

ও প্রভু, আমা ঢাল, মঅ শত্রুগুনোরে তুই মারে ন-ফেলেচ্, নলে মঅ মানুচ্চুনোর ইয়েনি মনত্ ন-থেবঅ। তুই বরং তঅ বল্লোই তারারে এবাবোত্যে গর্ যেনে তারা ইদু-উদু ঘুরি বেড়ান; তুই তারারে ওদেই দে।

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 62:7

মর্ উদ্ধোর আর মান-সর্মানান গোজেন উগুরে নির্ভর গরের; গোজেনে মর্ বল্, মর্ অজল মুড়ো, তেয়ই মর্ আশ্রয়র জাগা।

গীতসংহিতা 75:10

মুই পাজিগুনোর বেক শিঙুন কাবি ফেলেই দিম, মাত্তর্ গোজেন ভক্তগুনোর্ শিঙুন অজলত্ তুলো অবঅ।

গীতসংহিতা 91:2

লগেপ্রভুর পৌইদ্যেনে মুই এ কধাগান্‌ কোম্, “তেয়ই মর্ আশ্রয় আর মর্ ঘর; তেয়ই মর্ গোজেন যিবে উগুরে মুই বিশ্বেজ্ গরং।”

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

গম্ উপদেজ্ 2:7

গম্ মনর্ মানুচ্চুনোত্তে তে তরিত্ বুদ্ধি থুবেই রাগায়; যিগুনে গমেডালে চলন্ তে তারার ঢাল অয়,

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

ইব্রীয় 2:13

যীশু আরঅ কত্তে, “মুই গোজেন উগুরে নির্ভর গুরিম।” আর এক জাগাত্ তে কত্তে, “এইয়্যে চঅ, মুই আর সেই পুয়োগুনে যিগুনোরে গোজেনে মরে দিয়্যে।”