গীতসংহিতা 18:13 - Chakma Bible

¹³ লগেপ্রভু আগাজত্ গুজুরি উদিলো; আগাজ বাজ্ আর শিলো ঝড়ত্ দাঙর্ গোজেন রবুয়ো শুনো গেলঅ।

গীতসংহিতা 18:13 ပူးပေါင်းရင်းမြစ်များ

ইয়োব 40:9

তর্ কি গোজেন ধোক্ক্যেন বল্ আঘে? তর্ রঅবো কি তা গুজুরোনিবো ধোক্ক্যেন?

গীতসংহিতা 104:7

মাত্তর্ সেই পানিগান তঅ উগুমে গেলগোই; সিয়েন গেলগোই তঅ গুজুরোনিত্।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 140:10

তারা উগুরে জোল্‌জোল্যে আঙারা পোড়োক্; আগুনো ভিদিরে, গভীন্ গাদ ভিদিরে তারারে ফেলেই দিয়্যে ওক্; যেন তারা আর্ কনদিন্‌অ উদি এই ন-পারন্।

গীতসংহিতা 78:48

তে শিলোঝড়ত্ তারার গোরু পালুন ইরি দিলো আর দেবা পেরাগ আদত্ তারার য়েমান পালুন তুলি দিলো।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যাত্রা 9:24

বানা যে শিল্‌ পড়িলাক্ সিয়েন নয়, তা লগে লগে নিত্য ঝিমিলেনি এলঅ। মিসর্‌ দেজর্‌ পোইল্যাত্তুন্‌ ধুরি এজঅ সং গোদা দেজছানত্‌ এধোক্ক্যেনগুরি জদবদে ঝড় আর্ কনদিন্অ ন-অয়।

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

হবক্‌‌‌‌কূক 3:5

তা আগে আগে যার্ ভানাগান্; তা পিজে পিজে পীড়েগান যার্।

যোহন 12:29

যে মানুচ্চুনে সিয়েনত্ থিয়্যেই এলাক্ তারা সিয়েন্ শুনিনে কলাক্, “সিয়েন মেঘ গুজুরোনি।” কেঅ কেঅ আরঅ কলাক্, “কন্ স্বর্গদূতে তা সমারে কধা কলঅ।”

দ্বি’লম্বর বিররণ 32:24

মুই তারা উগুরে কিয়্যেগান্ ক্ষয় গরেদে ভানা ধোক্ক্যেন, ভস্ত গুরিয়্যে ভানা আর দুঘে ভরা পিড়ে পাধেই দিম্‌। তারা উগুরে মুই ঝাড়্‌বো দাত্‌বলা য়েমান আর বুক্কোই ভর্‌ দিইনে যান্দে বিষবলা সাপ পাধেই দিম্‌।

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।

১ শমূয়েল 7:10

শমূয়েলে যেক্কে পুজ্যে-উৎসর্বর অনুষ্ঠানান্‌ গোজ্যে সেই অক্তত্‌ ইস্রায়েলীয়গুনোর লগে যুদ্ধো গুরিবাত্তে পলেষ্টীয়গুনে উজেই এলাক্। মাত্তর্‌ সেদিন্যে লগেপ্রভু পলেষ্টীয়গুনোর বিরুদ্ধে আগাজ বাজ্‌ পড়েদে ধোক্ক্যেন জদবদে গুজুরি উদিলো। সেক্কে দরে তারার দল্লো ভাঙি গেলঅ আর তারা ইস্রায়েলীয়গুনো ইদু উদিই গেলাক্।