গীতসংহিতা 18:12 - Chakma Bible

¹² তা পহ্‌রান মুজুঙোত্ কালা মেঘকান্ সুরি গেলঅ; শিলোঝড় আর আগাজ বাজ্ পড়িলাক্।

গীতসংহিতা 18:12 ပူးပေါင်းရင်းမြစ်များ

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যিশাইয় 50:3

মুই কাবড় ধোক্ক্যেন গুরি আগাজ্‌চানরে আন্ধার বানাং আর চট্‌‌‌‌‌‌তোই ঢাগি দেদে ধোক্ক্যেন তারে নাঢি দুয়োং‌‌‌।”

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।