গীতসংহিতা 17:8 - Chakma Bible

^8-9 চোগো মানেগ ধোক্ক্যেন গুরি তুই মরে রোক্ষ্যে গর্; যিগুনে মঅ উগুরে অত্যেচার্ গরন্ সে পাজিগুনোত্তুন্, যিগুনে মারে ফেলেবাত্তে মরে ঘিরি আগন্ সে শত্রুগুনোত্তুন্, তুই মরে তর্ ডুয়োগানি ছাবালোই রাগা।

গীতসংহিতা 17:8 ပူးပေါင်းရင်းမြစ်များ

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 36:7

ও গোজেন, তর্ অমকদ কোচ্‌পানাগানর্ দাম দিইনে শেজ্ গরা ন-যায়; তর্ ডুয়োগানর্ ছাবাবোলোই মানুচ্চুনে আশ্রয় পান।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

গীতসংহিতা 57:2

মুই দাঙর্ গোজেনরে ডাগিম; যিবে মরে দিয়্যে তার বেক্ কধানি রোক্ক্যে গরে মুই তারে ডাগিম।

গীতসংহিতা 61:4

তর্ তাম্বুলোত্ যেন মুই জিংকানিবর বজত্তি গুরি পারং; তর্ ডুয়োগান তলে যেন আশ্রয় পাং।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

গীতসংহিতা 63:7

কিত্তেই তুই মর্ এজালদিয়্যে; তর্ ডুয়োগানির্ তলেদি মুই গান গাং।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

গম্ উপদেজ্ 7:2

মঅ উগুমানি পালা, সেক্কে তুই বাঁজিবে। মর্ দিয়্যে শিক্ষ্যেনি তঅ চোগোর্ মানেক্কুন্ ধোক্ক্যেন গুরি চুগি দি রাগা;

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

দ্বি’লম্বর বিররণ 32:10

তে তারে এক ধূল্যেচর-চাগালাত্‌ পেলঅ, পেলঅ গুজুরোনিলোই ভরা এক মানুচ্‌ নেইয়্যে জাগাত্‌। তে তারে ঘিরি রাগেল, যত্তন্‌ গুরিলো; তারে চোগো মানেগ ধোক্ক্যেন গুরি চুগি দিইনে রাগেল,

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”