গীতসংহিতা 17:7 - Chakma Bible

⁷ তর্ অমকদ কোচ্‌‌পানাগান আমক্ অইদে ধোক্ক্যেন গুরি ফগদাং গর্; শত্রুগুনো আঢত্তুন রোক্ষ্যে পেবাত্তে যিগুনে তইদু আশ্রয় নেযান, তুই ডেন্ আঢ্‌‌তোই তারারে রোক্ষ্যে গুরি থাচ্।

গীতসংহিতা 17:7 ပူးပေါင်းရင်းမြစ်များ

২ রাজাবলী 19:22

তুই কারে অসর্মান্‌ গোজ্যস? কা বিরুদ্ধে অগমান কধা কোইয়োচ্‌? তুই কা বিরুদ্ধে রঅ ছাজ্যস্‌ আর বার্‌ গুরিনে চোখ্‌ তুলি চেইয়োচ্‌? ইস্রায়েলর সে সুদ্ধো-সাংগ মানুচ্চো বিরুদ্ধে তুই ইয়েনি গোজ্যস্‌।

২ রাজাবলী 19:34

মুই মর্‌ আর মঅ চাগর্‌ দায়ূদত্তে এ শঅরান্‌ ঘিরি রাগেইনে সিয়েন্‌ রোক্ষ্যে গুরিম্‌।’ ”

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

গীতসংহিতা 20:6

ইক্কিনে মুই হবর্ পাং, লগেপ্রভু তার্ অভিষেগ্ গোজ্যে মানুচ্চুনোরে রোক্ষ্যে গরে; তার্ ডেন্ আত্তোই রোক্ষ্যে গুরিবার বলান্দোই তে পবিত্র স্বর্গত্তুন তার্ অভিষেগ্ গোজ্যে মান্‌‌‌জ্যর্ ডাগনিলোই ইজিরে দিবো।

গীতসংহিতা 31:21

বর্ পেইয়্যে লগেপ্রভু। ঘিরি রাগেয়্যে শঅর ভিদিরে তার্ অমকদ কোচ্‌পানা আমক্ অইদে ধোক্ক্যেন্ তে মরে দেগেয়্যে।

গীতসংহিতা 31:22

মুই দোরেইনে কোইয়োঙে, “তঅ মুজুঙোত্তুন্ মুই ফারগ্ ওই যেইয়োং”; মাত্তর্ বল্ পেবাত্তে যেক্কেনে মুই তরে ডাক্কোং সেক্কেনে তুই মর্ কোজোলিগান শুন্যচ্।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গীতসংহিতা 60:5

তর্ দরমর আঢ্‌তান বাবেইনে আমারে তুই উদ্ধোর গর্; মঅ ডাগনিলোই শমক্ দে যেনে তুই যিগুনোরে কোচ্‌পাজ্ তারা উদ্ধোর পান।

গীতসংহিতা 78:12

ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!