গীতসংহিতা 17:10 - Chakma Bible

¹⁰ তারার বাজে মনর্ দুয়োরান তারা নাঢি রাগেয়োন; তারার্ মুয়োদি বার্বো কধা নিগিলে।

গীতসংহিতা 17:10 ပူးပေါင်းရင်းမြစ်များ

ইয়োব 15:27

“তা মুয়োন্‌ তেল্লোই দাদঅ ওই যেইয়্যে আর কমরবো দাঙর্‌ ওইয়্যেদে য়েরালোই।

গীতসংহিতা 119:70

তারার মনানি পেদডাম ধোক্ক্যেন দাঙর্, মাত্তর্ মুই তর্ বেক উগুমানিলোই হুজি অং।

গীতসংহিতা 123:4

আরামত্ থেইয়্যে মানুচ্চুনোর ফেচ্ কারানিগানি আর বাড়্‌বো গুরিয়্যেগুনোর ঈচ্ গরানা আমা তাল্লোত্ সং লুম্মেগোই।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

১ শমূয়েল 2:3

তুমি আর বার্‌বো কধা ন-কোইয়ো, অহংকারর্ কধা তমা মুয়োত্তুন্ ন নিগিলোক্; কিত্যে লগেপ্রভু এধোক্ক্যেন গোজেন যে বেক্কানি হবর্ পাই, আর তেয়ই কামানি মাবি চাই।