গীতসংহিতা 149:9 - Chakma Bible

⁹ তারার্ বিরুদ্ধে যে রায়য়ান লেগা ওইয়্যে সিয়েন কামত্ লাগেই পারন্। ইয়েনি বেক্কানি তার ভক্তগুনোর্ বাঈনী গুরিবার। লগেপ্রভুরে বাঈনী গরা ওক্।

গীতসংহিতা 149:9 ပူးပေါင်းရင်းမြစ်များ

গীতসংহিতা 137:8

ও বাবিল মিলেবো, তরে ভস্ত গরা অবঅ; তুই যেবাবোত্যে আমা উগুরে গোজ্যস্, যে মানুচ্চো তঅ উগুরে সিয়েনি গুরিবো তে বর্ পেইয়্যে!

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

মীখা 5:14

মুই তঅ ভিদিরেত্তুন্ বেক্ আশেরা-খুদোগুন উগুরে ফেলেম আর তর্ শঅরানি ভাঙি ফেলেম।

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।