গীতসংহিতা 149:5 - Chakma Bible

⁵ এ সর্মানান্ পেইনে গোজেন ভক্তগুনে ফুত্তি গোরোদোক্; তারা যার্ যার্ বিচ্ছোনত্ রঙ্গ-ফুত্তির গীদ্ গাদোক্।

গীতসংহিতা 149:5 ပူးပေါင်းရင်းမြစ်များ

২ শমূয়েল 6:15

এধোক্ক্যেনগুরি দায়ূদ আহ্‌ ইস্রায়েলীয়গুনে বেক্কুনে হুজিয়ে রঅ ছারদে ছারদে আর তূরী বাজাদে বাজাদে লগেপ্রভুর সুন্দুক্কো অানিলাক্।

ইয়োব 35:10

মাত্তর্ কনজনে ন-কন্, ‘মরে বানেয়্যে গোজেনে কুদু, যিবে রেদোত্ হুজির্ গান দান গরে?

গীতসংহিতা 118:15

গম্ মানুচ্চুনো ঘরত্ উদ্ধোরর হুজি রঅ শুনো যায়; লগেপ্রভুর খেমতাবলা আঢ্‌তানিয়ে দোল্ কাম গোজ্যে।

গীতসংহিতা 132:16

মুই সিয়োন ধর্মগুরুগুনোর উদ্ধোরর পজাক্কানি উরেই দিম্; সিদুগোর ভক্তগুনে হুজিয়ে দাঙর্ দাঙর্ গুরি গীদ্ গেবাক্।

গীতসংহিতা 145:10

ও লগেপ্রভু, তুই যিয়েনি বানেয়োচ্ বেক্কানিত্যে তরে ভালেদি জানেবাক্; তর্ ভক্তগুনে তরে বাঈনী গুরিবাক্।

গীতসংহিতা 23:1

লগেপ্রভু মর্ পালক, মর্ অভাব নেই।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

দানিয়েল 7:22

যেদক্কন সং সেই বুড়োবো এইনে দাঙর্ গোজেনর মানুচ্চুনোর তপ্পে রায় ন-দিলো। ইয়েনর্ পরেত্তুন্ ধুরি গোজেনর মানুচ্চুনে রাজাগিরি গরা ধুরিলাক্।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;