গীতসংহিতা 149:4 - Chakma Bible

⁴ কিত্তে লগেপ্রভু তা মানুচ্চুন্দোই হুজি অয়; তে নম্র মানুচ্চুনোরে উদ্ধোর্ গুরিনে সর্মান গরে।

গীতসংহিতা 149:4 ပူးပေါင်းရင်းမြစ်များ

গীতসংহিতা 117:2

কিত্তে আমা উগুরে লগেপ্রভুর অমকদ কোচ্‌পানা আর তার বিশ্বেজ্‌ছান উমরত্যে থিদেবর্ গোজ্যে। লগেপ্রভুরে নাঙ্ গিনে ওক্।

গীতসংহিতা 132:16

মুই সিয়োন ধর্মগুরুগুনোর উদ্ধোরর পজাক্কানি উরেই দিম্; সিদুগোর ভক্তগুনে হুজিয়ে দাঙর্ দাঙর্ গুরি গীদ্ গেবাক্।

গীতসংহিতা 147:11

মাত্তর্ যিগুনে তারে ভোক্তিগুরি দরান্ আর তার অমকদ কোচ্‌পানা উগুরে আজা রাগান্, তারারে নিইনে লগেপ্রভুর যেত্তমান্ হুজি।

গীতসংহিতা 22:8

তে দঅ লগেপ্রভু উগুরে বিশ্বেজ্ গরে, সালে তেয়ই তারে রোক্ষ্যে গোরোক্; তেয়ই তারে উদ্ধোর্ গুরিবো, কিত্যে তা উগুরে তে হুজি।

গীতসংহিতা 35:27

মুই ন্যায়র্ পদথ্ চলঙর্, এ কধাগান যিগুনে শুনোদে গম‌্‌পান তারা হুজি ওইনে রঅ ছাড়োদোক্ আর ফুত্তি গোরোদোক্। তারা আমিঝে কোদোক্, “লগেপ্রভুর বাঈনী ওক্; তার্ চাগরুনোর্ ভালেদি অলে তে হুজি অয়।”

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

গম্ উপদেজ্ 11:20

যিগুনোর মনানি কুজুরো লগেপ্রভু তারারে ঘিনেই, মাত্তর্ যিগুনে দোল্ জিংকানি কাদান তারা উগুরে তে হুজি অয়।

পরমগীত 1:11

আমি তত্তে সোনার্ আড়ুক্ গোজ্যে রূবোর্ কান দুল্ বানেবং।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

ইব্রীয় 12:10

আমা জগদ বাব্‌পুনে যিয়েন গম্ মনে গুরিদাক্ সেধোক্ক্যেনগুরি আমারে শাসন গোজ্জ্যন্, আর সিয়েন কয়েক্ দিনোত্যে; মাত্তর্ আমা ভালেদিত্যে গোজেনে আমারে শাসন গরে যেন আমি তার্ পবিত্রতাগান পেই।

১ পিতর 3:4

বরং যিবের্ দোল্ জিনিচ্‌সান ভস্ত ওই ন-যেবঅ সে নরম আর শান্ত- খাচ্চ্যদ্‌তোই তমা মনানিরে সাজঅ। গোজেনর্ চোগেদি সিয়েনই বেশ্ দামী।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।