গীতসংহিতা 149:3 - Chakma Bible

³ তারা নাজি নাজি তারে বাঈনী গোরোদোক্, খঞ্জনি আর বীণা বাজেইনে গোজেন নাঙে নাঙ্ গিনেদে গীদ্ গাদোক্;

গীতসংহিতা 149:3 ပူးပေါင်းရင်းမြစ်များ

২ শমূয়েল 6:14

দায়ূদে মসীনার এফোদতো উরিনে লগেপ্রভুর মুজুঙোত্‌ বলপড়ে সং নাজা ধুরিলো।

২ শমূয়েল 6:16

লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

১ বংশধর 16:42

গোজেন নাঙে গান গেবার্‌ অক্তত্‌ তূরী, ঝন্‌ঝনি আর অন্য বাজানা বাজেবাত্তে হেমন আর যিদূথূন উগুরে ভারান্‌ দিয়্যে অলঅ। যিদূথূনো গুট্টির মানুচ্চুনোরে রক্ষী ইজেবে নেযা অলঅ।

১ বংশধর 25:6

গোজেন ঘরর সেবা-কামত্তে ইগুনে বেক্কুনে তারার্‌ বাব্‌ আসফ, যিদূথূন আর হেমন পরিচালনার্‌ অধীনোত্‌ এলাক্‌। তারা রাজার উগুমে ঝোন্‌ঝোনি, বাশি আর হার্‌মোনিলোই লগেপ্রভুর ঘরত্‌ গান-বাজনা গুরিদাক্‌।

২ বংশধর 20:28

তারা বাশি, হার্‌মনি আর তূরী বাজাদে বাজাদে যিরূশালেমত্‌ ফিরি এইনে লগেপ্রভুর ঘরত্‌ গেলাক্‌।

২ বংশধর 29:25

রাজা দায়ূদ, তার্‌ চেইচিদিয়্যে গাদ আর ভাববাদী নাথনর উগুম্‌ মজিম্‌ রাজা হিষ্কিয় লেবীয়গুনোরে কলদে যেনে তারা ঝোন্‌ঝোনি, বাশি আর হার্‌মনি লোইনে লগেপ্রভুর ঘরত্‌ যান্‌। লগেপ্রভু তার্‌ ভাববাদীগুনোর্‌ মাধ্যমে এ উগুমানি দিয়্যে।

ইষ্রা 3:10

রাজমিস্ত্রিগুনে যেক্কে লগেপ্রভুর ঘরর্ গড়াগান থিদেবর্ গুরিলাক্ সেক্কে ইস্রায়েলর রাজা দায়ূদোর উগুম মজিম্ লগেপ্রভুরে বাঈনী গুরিবাত্তে ধর্মগুরুগুনে তারার্ ঠিগ গোজ্যে পোজাক্কানি পিনিনে তূরীলোই আর লেবীয়গুনো ভিদিরেত্তুন্ আসফর পুয়োগুনে ঝোন্‌‌ঝোনিলোই যে যিগুনোর্ জাগানত্ থিয়্যেলাক্।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 33:2

বীণা বাজেইনে লগেপ্রভুরে ভালেদি জানঅ; তার্ নাঙে দশ তারর্ বীণা বাজঅ।

গীতসংহিতা 81:2

গান আরাম্ভ গরঅ, ঝোন্‌ঝোনি বাজঅ; বাজঅ মধুর বাশি আর হার্‌মোনি।

গীতসংহিতা 81:3

আমা পরব দিনোত্ আঙোস্যে আর পূর্ণিমাত্ শিংগা বাজঅ;

গীতসংহিতা 87:7

যিগুনে গান গেবাক্ আর যিগুনে নাজিবাক্ তারা কবাক্, “মর্ বেক রংগ-ফুত্তির আওজ্‌ছান তইদু।”

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

বিচের গুরিয়্যেগুন 11:34

যিপ্তহ যেক্কে মিস্পাতদ্‌ নিজো ঘরত্‌ ফিরি এলঅ সেক্কে যে তারে আগ্‌বারেই নিবাত্তে এলঅ তে অলদে তা নিজোর্‌ ঝিবো। তে ঝোঞ্জনীর্‌ তালে তালে নাজি নাজি এজের্‌। তে অলদে যিপ্তহর বানা এক্কো ঝি, আর এ ঝিবো বাদে তার অন্য কনঅ পূঅ বা ঝি ন-এলঅ।