গীতসংহিতা 148:8 - Chakma Bible

⁸ ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

গীতসংহিতা 148:8 ပူးပေါင်းရင်းမြစ်များ

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

ইয়োব 37:12

তা উগুমে মেঘছাগকুন্ ঘুরি বেড়ান, তা উগুমানি পালেবাত্তে তারা গোদা দুনিয়াগানত্ ঘুরোন্।

গীতসংহিতা 103:20

ও লগেপ্রভুর বোলী দূত্‌তুন, যিগুনে তা কধার বাধ্য থেইনে তা উগুমানি পালন গরর্, তুমি তার্ বাঈনী গরঅ।

গীতসংহিতা 18:12

তা পহ্‌রান মুজুঙোত্ কালা মেঘকান্ সুরি গেলঅ; শিলোঝড় আর আগাজ বাজ্ পড়িলাক্।

যাত্রা 10:13

সেক্কে মোশি মিসর্‌ দেজ্‌ছান উগুরে তা লুদিক্কো বাবেইনে ধুরিলো; আর লগেপ্রভু এমন্‌ গুরিলো যিয়েনত্তে সে দেজছান উগুরে পুরো রেত্‌ আর পুরো দিন ধুরি পূগো বোইয়্যের্‌ বেলঅ।

যাত্রা 10:19

সেক্কে লগেপ্রভু বোইয়্যের নাল্লো ঘুরেই দিলো আর পোজিমেত্তুন্‌ এক্কো দাঙর্‌ বোইয়্যের্‌ বেঈনে পুগ্-যুগ্‌কুনোরে উড়ে নিইনে লোহিত সাগরত্‌ ফেলেল। গোদা মিসর্‌ দেজত্‌ আর এক্কোয়ো পুগ্-যুগ্ ন-রলাক্।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যোয়েল 2:30

মুই আগাজত্ আর পিত্‌‌থিমীত্ আমক্ আমক্ ঘটনা দেগেম, অত্তাৎ লো, আগুন আর অমকদ ধূমো দেগিবা।

লেবীয় 10:2

ইয়েনত্তে লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল, আর তারা লগেপ্রভুর্ মুজুঙোত্ মুরি গেলাক্।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

যোনা 1:4

সেক্কে লগেপ্রভু সাগরত্ এক্কান দাঙর্ বোইয়্যের্ পাধেই দিলো। সেক্কে এমন দর্‌‌‌গরেপারা এক্কান ঝড় অলঅ, জাহাজ্‌‌‌চান ভাঙি যাইদ্যে ধোক্ক্যেন অলঅ।

যোনা 1:5

ইয়েনত্ নাবিক্‌‌‌কুন বেক্কুনে দোরেইনে পত্তিজনে নিজো নিজো দেবেদা ইধু কানাকুদি গরা ধুরিলাক্। জাহাজ ভরান্ কোমেবাত্তে তারা পযাপিরানি সাগরত্ ফেলেই দিলাক্। মাত্তর্ ইয়েনর্ আগেদি যোনা জাহাজর্ তলেদি লামিনে ঘুমোত্ পড়িলো আর তার্ যদেবদে ঘুম্ অলঅ।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।