গীতসংহিতা 148:4 - Chakma Bible

⁴ ও স্বর্গগান্, তারে নাঙ্ গিন্; ও আগাজ উগুরে পানিগান, তারে নাঙ্ গিন্।

গীতসংহিতা 148:4 ပူးပေါင်းရင်းမြစ်များ

পত্থম 1:6

সে পরেদি গোজেনে কলঅ, “পানিগান ভিদিরে এক্কান ফারক্‌ জাগার সৃট্টি ওক্‌, আর সেনে পানিয়ান্‌ দ্বিভাগ ওই যোক্‌।”

পত্থম 1:7

এধোক্ক্যেনগুরি গোজেনে পানিগান ভিদিরে এক্কান ফারক্‌ জাগার সৃট্টি গুরিলো আরঅ তলে-উগুরে পানিগান ফারক্‌ গুরিলো। সেক্কে উগুরে পানিগান আর তলে পানিগান ফারক্ ওই গেলঅ।

পত্থম 7:11

নোহ বয়সচান যেক্কে ছয়শ বজর চলের্‌, সে বজরত্‌ দ্বি মাস সতর দিনোত্‌ মাদি তলেত্তুন্ বেক্‌ পানিগান অদাদৎ নিগিলি এজা ধুরিলো আর আগাজচানত্‌অ যেন্‌ ফাদামারা ধোজ্যে।

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

২ বংশধর 2:5

যে ঘরান্‌ মুই বানেবাত্তে যাঙর্‌ সিয়েন্‌ অবদে মহৎ, কিত্যে আমা গোজেনে বেক্‌ দেবেদাগুনোত্তুন্‌ দাঙর্‌।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

গীতসংহিতা 113:6

আর মাধা নিগিরিনে আগাজ্‌ছান আর পিত্‌থিমীগান ইন্দি রিনি চায়।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

গীতসংহিতা 69:35

কিত্তেই গোজেনে সিয়োনানরে উদ্ধোর্ গুরিবো, যিহুদার শঅরানরে আরঅ বানেব; সেক্কেনে তা মানুচ্চুনে সিদু বজত্তি গুরিবাক্ আর সিয়েনর অধিকারি অবাক্।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

দ্বি’লম্বর বিররণ 10:14

আগাজ্‌ছান আর তা উগুরে বেক্কানি আর পিত্‌থিমীগান আহ্‌ তার্‌ ভিদিরে বেক্কানিই তমার গোজেন লগেপ্রভুর।