গীতসংহিতা 148:13 - Chakma Bible

¹³ ইগুনে বেক্কুনে লগেপ্রভুরে নাঙ্ গিনোদোক্, কিত্তে বানা তেয়ই দাঙর্; পিত্‌থিমী আর আগাজ্‌চান উগুরেয়ো তারে বাঈনী গরন্।

গীতসংহিতা 148:13 ပူးပေါင်းရင်းမြစ်များ

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

গীতসংহিতা 108:4

কিত্তে তর্ অমকদ কোচ্‌পানাগান আগাজত্তুন্ বেশ্ অজল্, তর্ বিশ্বেজ্‌ছান মেঘঅ উগুরেয়ো লুমেগোই।

গীতসংহিতা 113:4

বেক্ জাদ্‌তুনে লগেপ্রভুর অধীনোত্; আগাজঅ উগুরেয়ো তার মহিমাগান্।

গীতসংহিতা 150:6

নিজেস্ ফেলেয়্যে বেক্ প্রাণিগুন লগেপ্রভুরে নাঙ্ গিনোদোক্। লগেপ্রভুরে নাঙ্ গিনো।

গীতসংহিতা 57:6

তারা মর্ আঢিবার পদ্‌তানথ্ জাল পাত্যন্; অত্যেচারে মুই ভাঙি পোজ্যং; তারা মঅ পদ্‌তানথ্ গাদ্ খুজ্যন্, মাত্তর্ তারা নিজে সিয়েনত্ পোজ্যন।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 8:1

ও লগেপ্রভু, আমা গিরোজ্, গোদা দুনিয়েগানত্ রোইয়্যেদে তর্ মহিমার কধা; স্বর্গত্ তর্ মহিমা তুই থিদেবর্ গোজ্যস্।

গীতসংহিতা 8:2

চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

গীতসংহিতা 8:9

ও লগেপ্রভু, আমা গিরোজ্, সারা দুনিয়েত্ আগেদে তর্ মহিমাগান্।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 5:9

ও বেগত্তুন্ দোল্‌‌বি, অন্যগুনোত্তুন্ তঅ কোচ্‌‌‌পানাগান্ কুন্দি গম্? তঅ কোচ্‌‌‌‌‌পানাগান অন্যগুনোত্তুন কুন্দি গম্ যে, ‌‌‌‌‌‌ তুই এবাবোত্যেগুরি আমারে কোজোলি গরর্?

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

সখরিয় 9:17

তারার্ চেঙারাগান কত্তমান গম্ অবঅ, কত্তমান দোল্ অবঅ! শোজ্য হেইনে গাবুজ্যেগুনে আর নুয়ো আংগুর-রস হেইনে গাবুজ্যে মিলেগুনে তাজা ওই উদিবাক্।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

ইফিষীয় 4:10

যিবে লাম্মেগোই তে বেক্কানি পূরোণ গুরিবাত্যে আরঅ আগাজত্তুন্অ বোউত্ উগুরে উঠ্যেগোই।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।