গীতসংহিতা 147:1 - Chakma Bible

¹ লগেপ্রভুরে নাঙ্ গিনো ওক্। আমা গোজেনরে নাঙ্ গিনেদে গান গানা কত্তমান গম্! সিয়েন কি দোল্! তারে বাঈনী গরানা কত্তমান গম্!

গীতসংহিতা 147:1 ပူးပေါင်းရင်းမြစ်များ

ইষ্রা 3:12

মাত্তর্ ভালোকজনে যেক্কেনে হুজিয়ে রঅ ছাড়ি উদিলাক্ সেক্কে যিগুনে আগ উবোসনা ঘরান্ দেখ্যন সেধোক্ক্যেন বোউত্ বুড়ো ধর্মগুরু, লেবীয় আর বংশর নেতা এই উবোসনা-ঘরর গড়াগান থিদেবর্ গত্তে দেগিনে রঅ ছাড়ি ছাড়ি কানা ধুরিলো।

গীতসংহিতা 135:3

লগেপ্রভুরে বাঈনী গরঅ, কিত্তে তে আজলে গম্; তারে নাঙ্ গিনেদে গীদ্ গঅ, কিত্তে সিয়েন গরানা গম্।

গীতসংহিতা 33:1

ও গোজেন ভক্ত মানুচ্চুন, লগেপ্রভুর পৌইদ্যেনে তুমি হুজির্-গান গঅ; তার্ গুনগান গরানা খাটি মানুচ্চুনোর কাম।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 92:1

ও লগেপ্রভু, দাঙর্ গোজেন, দশতারা আর হার্‌মোনি বাজেইনে আর বাশিলোই তরে ভালেদি জানানা, তর্ নাঙ্-গিনেদে গান গরানা, বেন্যেমাদান্ তর্ অমকদ কোচ্‌পানার কধা আর রেদোত্ তর বিশ্বেজর্ কধা ফগদাং গরানা কদক্ হুজির কধা!