গীতসংহিতা 145:7 - Chakma Bible

⁷ তুই যে তারারে বোউত্ ভালেদি গোজ্যস্ সিয়েনি তারা কোই কোই বেড়েবাক্, তর্ ন্যায়র্ কধানিলোই হুজিয়ে গান গেবাক্।

গীতসংহিতা 145:7 ပူးပေါင်းရင်းမြစ်များ

গীতসংহিতা 36:10

যিগুনে তরে হবর্ পান তারা উগুরে যেনে তর্ অমকদ কোচ্‌পানা আমিঝে থায়; যিগুনোর মনান্ দোল্ তারা যেনে আমিঝে তর্ ন্যায়বিচের্ পান।

গীতসংহিতা 51:14

ও গোজেন, মর্ উদ্ধোর গুরিয়্যে গোজেন, খুনোর দায়ত্তুন্ তুই মরে বাঁচা; সেক্কে মর্ মুয়ত্তুন্ তর্ ন্যায়র্ গানুন্ নিগিলি এবাক্।

গীতসংহিতা 71:19

ও গোজেন, তর্ ন্যায়র কামান যেন দেবাবো ইদু লুম্মেগোই; বেক দাঙর্ কামানি তুই গোজ্যস্; ও গোজেন, তর্ সং সং আর কন্না আঘে?

গীতসংহিতা 89:16

গোদা দিন্নো সং তরে নিইনে তারার হুজি; তর্ সততাগানে তারারে অজলত্ তুলে।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।