গীতসংহিতা 145:5 - Chakma Bible

⁵ মুই তর্ মহিমালোই বাঈনী গুরিবাত্যে সয়-সাগোজ্যে আর তর্ আমক্ অবার কামানি পৌইদ্যেনে ধ্যান গুরিম।

গীতসংহিতা 145:5 ပူးပေါင်းရင်းမြစ်များ

পত্থম 24:63

সিয়েনত্তুন্‌ ফিরি এইনে সেদিন্যে বেল্যেমাদান্ ধ্যান গুরিবাত্তে তে মাদত্‌ গেলঅ। সিয়েনত্‌ চোখ্ তুলি রিনি চাদে ন-চাদে তে দেগিলোদে কয়েক্কো উট্‌ এত্তন্‌।

১ বংশধর 16:9

তা নাঙে গান গঅ, তারে নাঙ্‌ গিনেদে গান্‌ গঅ; তার্‌ বেক্‌ আমক্‌ অবার্‌ কামানি কধা কঅ।

গীতসংহিতা 105:2

তা নাঙে গীদ্ গঅ, তার নাঙ্ গিনেদে গীদ্ গঅ; তার বেক্ আমক্ অবার কামর্ কধানি কঅ।

গীতসংহিতা 111:3

তা কামানি বাঈনী পানালোই আর মহিমালোই ভরা, তার গম্ কামানি উমরত্যে থিদেবর্।

গীতসংহিতা 119:27

তর্ সুদোমর উগুমানি মরে বুঝোনার খেমতাগান দে; সালে মুই তর্ আমক্ অবার কামানি পৌইদ্যেনে চিন্তে গুরি পারিম।

গীতসংহিতা 71:24

মর্ মুয়োনে সারা দিন্নো তর্ ন্যায় কামর কধানি কবঅ, কিত্তেই যিগুনে মরে দযাত্ ফেলেবার চেট্টাদ্ আগন তারা লাজত্ পোজ্যন আর অগমান ওইয়োন্।

গীতসংহিতা 72:18

লগেপ্রভু গোজেন, যিবে ইস্রায়েলর গোজেন, তার বাঈনী ওক্; বানা তে আমক্ আমক্ অইদে কামানি গরে।

গীতসংহিতা 96:3

নানান্ জাদর ইদু তার মহিমার কধানি ফগদাং গরঅ; বেক মানুচ্চুনো ইদু তার বেক আমক্ অবার কামানি ফগদাং গরঅ।

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

দ্বি’লম্বর বিররণ 32:3

মুই লগেপ্রভুর নাঙান্‌ ফগদাং গুরিম্‌। তুমি আমার গোজেনর মহিমা-গান গরঅ।