গীতসংহিতা 145:4 - Chakma Bible

⁴ এক বংশর্ মানুচ্ সে পরেদি বংশর্ মানুচ্চুনো ইদু তঅ কামানির গুণগান গুরিবাক্; তারা তর্ খেমতাবলা কাম কধানি ফগদাং গুরিবাক্।

গীতসংহিতা 145:4 ပူးပေါင်းရင်းမြစ်များ

ইষ্টের 9:28

পত্তি চাগালার্‌ পত্তি শঅরর্‌ পত্তি গিরির্ বংশর পর বংশ ধুরিনে এ দ্বিবে দিন মনত্‌ গুরিবাক্‌ আর পালেবাক্‌। সেক্কে যিহূদীগুনো ভিদিরেত্তুন্‌ পূরীমোর সেই দ্বিবে দিন পালানা কনদিনঅ ন-থামেব আর তারার্‌ বংশধরুনোর মনত্তুন্‌ সে কধাগানি বাদ ন যেবঅ।

ইয়োব 8:10

তারাত্তুন্‌ তুই শিক্ষ্যে আর সল্লা পেবে; তারা যিয়েন্‌ হবর্‌ পান্‌ সিয়েন্‌ তরে কবাক্‌।

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

দ্বি’লম্বর বিররণ 4:10

তুমি সে দিনোর্‌ কধা মনত্‌ তুল্য যেদিন্যে তুমি হোরেবত্‌ তমার্‌ গোজেন লগেপ্রভুর মুজুঙোত্‌ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্‌ এগত্তর্‌ গর্‌ যেনে তারা এ পিত্‌থিমীত্‌ সারা জিংকানিবর্‌ মরে ভোক্তি গুরি চুলিনে শিগি পারন্‌ আর তারার্‌ ঝি-পূঅগুনোরে মর্‌ উগুমোর্‌ কধাগানি শিক্ষ্যে দি পারন্‌।

দ্বি’লম্বর বিররণ 6:7

তমার ঝি-পূঅগুনোরে তুমি বার্‌ বার্‌ সিয়েনি শিগেবা। ঘরত্‌ বৈ থেবার্‌ অক্তত্‌, পধন্দি যেবার্‌ অক্তত্‌, ঘুমেবার্‌ অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি এ বেপারানিলোই তেম্মাং গুরিবা।