গীতসংহিতা 145:3 - Chakma Bible

³ লগেপ্রভু দাঙর্ আর বেক্কুনোত্তুন্ বেজ্ নাঙ্ গিনে হেবার্ যগাজ্যে; কনজনে তার গমান্ ন-বুঝোন্।

গীতসংহিতা 145:3 ပူးပေါင်းရင်းမြစ်များ

১ বংশধর 16:25

লগেপ্রভু দাঙর্‌ আর বেক্কুনো উগুরে নাঙ্‌গিনেদে ধোক্ক্যেন; বেক্‌ দেব-দেবেদাগুনোত্তুন্‌ তে বেশ্‌ দর্‌বুগ্‌ জাগেই দে।

ইয়োব 26:14

ইয়েনি তা কামর কিজু ফগদাং, আমি তা পৌইদ্যেনে বানা কিজু কধা শুনিই; তা খেমতার রবো কন্না বুঝি পারে?"

ইয়োব 36:26

গোজেনে যে কত্তমান্ দাঙর্ সিয়েন আমি বুঝিও ন-পারিই। তা বয়সছান কদক্ সিয়েন জানানা সম্ভব নয়।

ইয়োব 37:23

বেগত্তুন্ খেমতাবলা গোজেনে আমা নাগালর বারেদি আর খেমতান্দি বোউত্ দাঙর্; তার ন্যায়বিচের্ আর সততার কারনে তে অত্যেচার ন-গরে।

ইয়োব 5:9

তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

ইয়োব 9:10

তে এমন্‌ মহত্‌ কাম্‌ গরে যিয়েনি বুঝো ন-যায় আর এন্‌ আমক্‌ আমক্‌ কাম্‌ গরে যিয়েনি গুণো ন-যায়।

গীতসংহিতা 139:6

তর্ এ জ্ঞানান্ মুই বুঝি ন-পারঙর্; সিয়েন অমকদ উগুরে, মঅ খেমতার বারেদি।

গীতসংহিতা 147:5

আমা গোজেনে দাঙর্, তার খেমতা বজমান্; তা জ্ঞান-বুদ্ধির শেজ্ নেইয়্যে।

গীতসংহিতা 48:1

আমা গোজেনর শঅরত্, তার সুদ্ধো-সাংগ মুড়োবোত্, লগেপ্রভু দাঙর্ আর বেগত্তুন বেশ্ নাঙ্ গিনিবার।

গীতসংহিতা 96:4

লগেপ্রভুই দাঙর্ আর বেক্কুনো উগুরে নাঙ্ গিনিবার্ যোগাজ্যে; বেক দেব-দেবেদাগুনোত্তুন্ তে বেশ্ দর্‌বুক্ লাগেদ।

যিশাইয় 40:28

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!