গীতসংহিতা 144:7 - Chakma Bible

⁷ তুই উগুরেত্তুন্ তঅ আত্তানি বাবেই দে; তুই মরে রোক্ক্যে গর্, বান পানিত্তুন, অয়, অন্য জাদর আঢত্তুন্ মরে বাঁজা।

গীতসংহিতা 144:7 ပူးပေါင်းရင်းမြစ်များ

২ শমূয়েল 22:17

তে উগুরেত্তুন্‌ আঢ্ বাড়েইনে মরে ধুরিলো, গভীন্‌ পানি ভিদিরেত্তুন্‌ মরে টানি তুলিলো।

নহিমিয় 9:2

ইস্রায়েল জাদর্‌ মানুচ্চুনে অন্য জাদর্‌ বেক্‌ মানুচ্চুনোর্‌ ইত্তুন্‌ নিজোরে ফারগ্‌ গুরি নিলাক্‌। তারা থিয়্যেইনে নিজোর্‌ পাপ আর তারার্‌ পূরোণিমানুচ্চুনোর্‌ ভান্ন্যেইয়ানি স্বীগের্‌ গুরিলাক্‌।

গীতসংহিতা 124:4

বান পানিয়ে আমারে ডুবেই দিদো, গঙার পানিগানে জোরে আমা উগুরেদি বেঈ যেদঅ,

গীতসংহিতা 144:11

মরে রোক্ক্যে গর্, অন্য জাদর আঢত্তুন্ মরে বাঁজা; তারার মুয়োনি ছলনা কধালোই ভরা; তারা ডেন আঢ্‌তান্ তুলিনে মিজে শমক্ গরন্।

গীতসংহিতা 18:16

তে উগুরেত্তুন্ আঢ্ বাবেইনে মরে ধুরিলো, গভীন্ পানি ভিদিরেত্তুন্ মরে টানি তুলিলো।

গীতসংহিতা 18:17

মর্ বোলীবন্ধ শত্রুগুনো আঢত্তুন্ তে মরে বাঁজেল; বাজেল বিপক্ষগুনো আঢত্তুন্ যিগুনোর্ বল্ মত্তুনঅ বেশ্।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

গীতসংহিতা 54:3

অন্যজাদর্ মানুচ্চুনে মর্ বিরুদ্ধে লাক্যন্; অত্যেচারিগুনে মর্ পরাণান্ নিবাত্তে চেট্ট্যা গোজ্যন্; গোজেন উগুরে এ মানুচ্চুনোর কনঅ ভোক্তি নেই।

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।

মথি লেখ্যে গম্ হবর্ 27:43

তে গোজেন উগুরে বিশ্বেজ্ গরে; ইক্কিনে যুনি তা উগুরে হুজি থায় সালে তারে তে উদ্ধোর্ গোরোক্। তে দঅ নিজোরে গোজেনর্ পুয়ো কদঅ।”

ফগদাং পেইয়্যে 17:15

সে পরেদি সেই স্বর্গদূত্‌তো মরে কলঅ, “তুই যে পানিগান দেখ্যচ্, যিবে উগুরে সেই বেশ্যেবো বৈ আঘে, সিয়েনি অলঅ ভালোক্কানি দেশ্, ভালোক্কুন মানুচ্‌, ভালোক্কুন জাত্ আর ভালোক্কানি ভাষা।