গীতসংহিতা 144:4 - Chakma Bible

⁴ মানুচ্ দঅ বানা নিজেস্; তা দিনুন্ সুরি যেইয়্যে ছাবা ধোক্ক্যেন্।

গীতসংহিতা 144:4 ပူးပေါင်းရင်းမြစ်များ

২ শমূয়েল 14:14

মাদিত্‌ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্‌ গোজেনে পরাণান্‌ কাড়ি ন-নেযায় বরং তে এমন্‌ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্‌ দূরোত্‌ ন-থান্।

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

ইয়োব 4:19

মাত্তর্‌ যিগুনে মাত্যে ঘরত্‌ বজত্তি গরন্‌, যিগুনোর গড়াগান্‌ অলদে ধূল্যেগান, যিগুনোরে পুগো ধোক্ক্যেন্ এনেবাদে মারে ফেলা যায়, তারা গোজেনর চোগেন্দি আরঅ‌ কত্তমান যে বেশ্‌ দুযি অবাক্‌!

ইয়োব 8:9

আমি দঅ গেল্যেকেল্যে জর্মেয়্যেই, কিচ্ছু হবর্‌ ন-পেই; পিত্‌থিমীর্‌ উগুরে আমা দিনুন্‌ ছাবা ধোক্ক্যেন্‌ যাদন্‌।

গীতসংহিতা 102:11

মঅ দিনুন্ বেল্যেমাদান ছাবা ধোক্ক্যেন ওই যেয়োন্; ঘাস ধোক্ক্যেন মুই শুগেই যাঙর্।

গীতসংহিতা 109:23

বেল্যেমাদান্ ছাবা ধোক্ক্যেন মুই মিলেই যাঙর্; পিরিঙো ধোক্ক্যেন মরে ঝাড়ি দিয়্যে ওইয়্যে।

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 62:9

সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

গীতসংহিতা 89:47

ভাবি চাহ্ মর্ জিংকানিগান কত্তমান্ চিগোন; অনত্তক্ কি তুই মান্‌জ্যরে বানেয়োচ্!

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:2

তে কোইয়্যেদে, “বাহ্‌জে, বাহ্‌জে ধরনর্! কনঅ কিজু থিদেবর্ নয়। বেক্কানি বাহ্‌জে!”

উপদেশক 12:8

উপদেশকে কোইয়্যেদে, “বাহ্‌জে, বাহ্‌জে, বেক্কানি বাহ্‌জে!”

উপদেশক 8:13

মাত্তর্ পাজিগুনে গোজেনরে ভোক্তিগুরিনে ন-দরান্ বিলিনে তারার্ ভালেদি ন-অবঅ আর তারার্ আয়ুগান অবঅ ছাবা ধোক্ক্যেন্।