গীতসংহিতা 143:8 - Chakma Bible

⁸ বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 143:8 ပူးပေါင်းရင်းမြစ်များ

গীতসংহিতা 119:34

মরে বুঝোনা খেমতাগান দে, যেনে মুই তর্ উগুম মজিম চলি পারং আর মন দিইনে সিয়েনি পালেই পারং।

গীতসংহিতা 119:73

তঅ আঢ্‌তানে মরে বানেয়্যে; মরে বুঝোনা খেমতাগান দে যেনে তর্ বেক উগুমানি মুই জানি পারং।

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

গীতসংহিতা 25:20

মঅ পরাণান্ বাঁজা আর মরে রোক্ষ্যে গর্; মরে লাজত্ ন-ফেলেচ্, কিত্যে মুই তইদু আশ্রয় লোইয়োং।

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 5:8

ও লগেপ্রভু, মর্ ভালোক্কুন্ শত্রু আগন বিলিনে তর্ ন্যায়র্ পধেদি তুই মরে পরিচালনা গর্; তঅ পথ্‌তান্ মঅ মুজুঙোত্ উজু গুরি দে।

গীতসংহিতা 59:16

মাত্তর্ মুই তর্ বল পৌইদ্যেনে গান গেম্, আর বেন্যেমাদান হুজিয়্যে তর্ অমকদ কোচ্‌পানার গান গেম; কিত্তেই তুই মর্ ঘর, দযাত্ আশ্রয়র-জাগা।

গীতসংহিতা 86:4

তঅ চাগর্‌বো মনানত্ ফুত্তি দে, কিত্তেই ও প্রভু, মঅ মনান্ মুই তন্দি দুয়োঙর্।

গীতসংহিতা 90:14

নুয়ো গুরি তর্ অমকদ কোচ্‌পানালোই আমা আওজ্‌ছানি পুরেই দে, যেনে আমি হুজিয়ে গীদ্ গেই পারিই আর হুজিয়ে জিংকানি কাদে পারিই।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

আবিলেচ্ 3:41

এজঅ, আমি আমা মনানি আর আঢ্‌তানি স্বর্গত্ গোজেন ইন্দি তুলিই আর কোই,

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

বিচের গুরিয়্যেগুন 13:12

মানোহ তারে পুযোর্‌ গুরিলো, “তঅ কধাগান যেক্কে হামাক্কাই অবঅ সেক্কে কিঙিরিনে পূঅবো জীংকানিগান কাদেব আর তার কামান বা কি অবঅ?”

১ শমূয়েল 23:12

সেক্কে দায়ূদে আরঅ পুযোর্‌ গুরিলো, কিয়ীলার মানুচ্চুনে কি মরে আর মর্‌ মানুচ্চুনোরে শৌলর আঢত্‌ তুলি দিবাক্? লগেপ্রভু কলঅ, “অয়, দিবাক্।”