গীতসংহিতা 143:7 - Chakma Bible

⁷ ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 143:7 ပူးပေါင်းရင်းမြစ်များ

গীতসংহিতা 102:2

মঅ দজাত্ তুই মুয়োন্ ফিরেই ন-রাগেচ্। মঅ কধাগান শুন; মুই ডাগিলে শমক্ দেদে তুই দেরি ন-গুরিচ্।

গীতসংহিতা 22:24

দুখিগুনোর দুখ্ দেগিনে তারে তে তুচ্ছো বা এলাফেলা ন-গরে; তে তাত্তুন্ নিজোর্ মুয়োন্ ন-ফিরেই, বরং বল্ পেবাত্তে তে তার্ কোজোলীগান শুন্যে।

গীতসংহিতা 27:9

তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্‌বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্‌গুরিয়্যে, মরে ফেলেইনে ন-যেচ্, মরে বাদ্ ন-দিচ্।

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 40:17

মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।

গীতসংহিতা 69:17

তঅ চাগর্‌বোর ইন্দিত্তুন তর্ মুয়োন তুই ফিরেই ন-রাগেচ্; মুই দযাত্ পোজ্যং, মরে যাদিমাদি জোব্ দে।

গীতসংহিতা 69:18

তুই মইদু এইনে মরে ছাড়েই নেযা; তুই মরে উদ্ধোর গর্, কিত্তে মর্ শত্রু আগন্।

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

গীতসংহিতা 70:5

মুই দুঘী আর অভাবী; ও গোজেন, তুই যাদিমাদি মইদু আয়। তুই দঅ মর্ এজালদিয়্যে আর উদ্ধোর্‌গুরিয়্যে; ও লগেপ্রভু, দেরি ন-গুরিচ্।

গীতসংহিতা 71:12

ও গোজেন, তুই মত্তুন্ দুরোত্ ন-থেচ্; ও মর্ গোজেন, মরে এজাল্ দিবাত্তে তুই যাদিমাদি আয়।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

গম্ উপদেজ্ 13:12

আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

যিশাইয় 38:18

মরণ জাগায়ানে দঅ তরে বাঈনী গুরি ন-পারে, আর মরণানেয়ো তর্ নাঙ্-গিনেদে গান গেই ন-পারে। যিগুনে সে গাঢত্ লামন তারা তর্ এগেমর্ ভর্‌‌পুনঙান আজা গুরি ন-পারন্।

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

লূকে লেখ্যে গম্ হবর্ 21:26

জগদত্ কি এজের্ ভাবিনে দরে মান্‌জ্যে মুজ্জ্য যেবাক্, কিয়া বেলান্-চানান্-তারাগুন্ ইগুন্ আর থির্ ন-থেবাক্।