গীতসংহিতা 143:11 - Chakma Bible

¹¹ ও লগেপ্রভু, তঅ নাঙান্ রোক্ক্যে গুরিবাত্তে মরে নুয়ো গুরি খেমতা দে; তর্ ধার্মিক্কান্দোই দজাত্তুন্ তুই মরে উদ্ধোর গর্।

গীতসংহিতা 143:11 ပူးပေါင်းရင်းမြစ်များ

গীতসংহিতা 119:107

মুই বোউত্ দুঘ্ সোজ্য গোজ্যং; ও লগেপ্রভু, তর্ কধা মজিম মরে নূয়ো খেমতা দে।

গীতসংহিতা 119:25

মুই ধূল্যেত্ লুদেই পোজ্যং; তর্ কধা মজিম্ মরে নুয়ো গুরি বল্ দে।

গীতসংহিতা 119:37

বাজে জিনিসোত্তুন্ তুই মঅ চোগ্‌কুন ফিরেই দে; তঅ পধেন্দি চলিবাত্তে মরে নুয়োগুরি খেমতা দে।

গীতসংহিতা 119:40

তর্ সুদোমানি পৌইদ্যেনে মর্ আওজ্ আঘে; তুই গম্ বিলিনে মরে নূয়ো গুরি খেমতা দে।

গীতসংহিতা 119:88

তর্ থুম্ ন-ওইয়্যে কোচ্‌পানালোই তুই মরে নূয়ো খেমতা দে, যেনে তর্ মুয়ো কধানি মুই পালেই পারং।

গীতসংহিতা 138:7

যেক্কেনে মুই দজাত্ পরং সেক্কেনে তুই মঅ পরাণান্ রোক্ক্যে গরচ্; তঅ আঢ্‌তান বাবেইনে তুই মঅ শত্রুগুনো রাগ্‌কানি কমেই দে, আর তর্ ডেন্ আঢ্‌তানে মরে উদ্ধোর্ গরে।

গীতসংহিতা 143:1

ও লগেপ্রভু, মর্ তবনাগান শুন্, মর্ কোজোলী গুরি কানানিগান তুই শুন্; তর্ বিশ্বেজ্‌‌চানে আর গম্ কামানিয়ে মরে জোব্ দে।

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

গীতসংহিতা 25:17

মর্ মনর্ পিড়েগান বাড়ি যেইয়্যে; বেক্ দুগোত্তুন্ মরে রোক্ষ্যে গর্।

গীতসংহিতা 31:1

ও লগেপ্রভু, মুই তইদু আশ্রয় নেযেয়োং; মরে কনদিন্‌অ লাজত্ পড়িবাত্তে ন-দিচ্; তর্ ন্যায়বিচেরর্ জোরে মরে তুই রোক্ষ্যে গর্।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 71:2

তুই ন্যায়বান বিলিনে মরে বাঁজা, উদ্ধোর গর্; মঅ কধা শুন আর মরে রোক্ষ্যে গর্।

গীতসংহিতা 85:6

তঅ মানুচ্চুনে যেনে তরে নিইনে ফুত্তি গুরি পারন্ সেনত্তে কি তুই তারারে আরঅ জেদা ন-গুরিবে?

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।