গীতসংহিতা 142:6 - Chakma Bible

⁶ মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।

গীতসংহিতা 142:6 ပူးပေါင်းရင်းမြစ်များ

গীতসংহিতা 116:6

লগেপ্রভু সিদেসিদি মানুচ্চুনোরে রোক্ক্যে গরে; মুই অনালর্ ওইয়োং মাত্তর্ তেয়ই মরে উদ্ধোর্ গোজ্যে।

গীতসংহিতা 136:23

যিবে আমারে নাঢা অবস্থাত্ থেলেয়ো আমা কধানি ইদোত্ তুল্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 143:3

শত্রুবো মঅ পিজেদি লোড়েয়্যে, তে মরে কট্টা কট্টা গুরি মাদিত্ ফেলেই দিয়্যে; পুরোণি মরা মানুচ্চুনো ধোক্ক্যেন্ তে মরে আন্ধারত্ বজত্তি গরার্।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 17:1

ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।

গীতসংহিতা 18:17

মর্ বোলীবন্ধ শত্রুগুনো আঢত্তুন্ তে মরে বাঁজেল; বাজেল বিপক্ষগুনো আঢত্তুন্ যিগুনোর্ বল্ মত্তুনঅ বেশ্।

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 3:1

ও লগেপ্রভু, চাহ্, মর্ শত্রু কুদুক্কুন। চাহ্, মঅ বিরুদ্ধে কুদুক্কুন মানুচ্ থিয়্যেয়োন।

গীতসংহিতা 38:19

মঅ শত্রুগুনে তাজা আর বোলিবন্দ; যিগুনে এনেবাদে মরে ঘিনান্ তারা ভালোক্কুন্।

গীতসংহিতা 46:2

যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

গীতসংহিতা 59:3

তারা মত্তেই হাফ্ দি আগন, দর্‌গরেপারা মানুচ্চুনে মঅ উগুরে আক্রমন আরাম্ভ গোজ্যন্; ও লগেপ্রভু, সিয়েন মর্ কনঅ অন্যেয় বা পাপত্তে নয়।

গীতসংহিতা 79:8

পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।

গীতসংহিতা 91:2

লগেপ্রভুর পৌইদ্যেনে মুই এ কধাগান্‌ কোম্, “তেয়ই মর্ আশ্রয় আর মর্ ঘর; তেয়ই মর্ গোজেন যিবে উগুরে মুই বিশ্বেজ্ গরং।”

রোমীয় 8:33

গোজেনে যিগুনোরে বেঈ লোইয়্যে কন্না তারা বিরুদ্ধে নালিচ্‌ গুরিবো? গোজেনে নিজেই দঅ তারারে নিদ্দুজি বিলিনে মানি লোইয়্যে।

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

১ শমূয়েল 24:14

“ইস্রায়েলর রাজাবো কার পিজেন্দি নিগিলি এচ্চ্যে? কার পিজেন্দি তুই লোড়েনেই ফিরোর্‌? কিত্তে তুই এক্কো মরা কুগুরোর্‌ পিজেন্দি, এক্কো পুগোর্‌ পিজেন্দি লড়র্‌?