গীতসংহিতা 141:4 - Chakma Bible

⁴ মঅ মনানরে কনঅ ভান্ন্যেই জিনিজোন্দি ঠিলি ন-দিচ্, যেনে অন্যেয়গুরিয়্যেগুনো সমারে ভান্ন্যেই কামত্ ন-মিজেং; তারার গম্ গম্ হানানি যেন মুই ন-হাং।

গীতসংহিতা 141:4 ပူးပေါင်းရင်းမြစ်များ

পত্থম 27:14

সেনত্তে যাকোবে যেইনে ছাগল ছঅ আনিনে তা মারে দিলো, আর রিবিকা যাকোব বাপ্পো খাইদ্যে ধোক্ক্যেন গম্‌ হানা রানি দিলো।

১ রাজাবলী 13:8

মাত্তর্‌ গোজেন মানুচ্চো রাজারে কলঅ, “তর্‌ সোম্বোত্তির্‌ অদ্দেক্‌ দিলেয়ো মুই তঅ সমারে ন-যেম্‌ বা কন হানা বা পানিয়ো ইদু ন-হেম্‌।

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’

১ রাজাবলী 8:58

আমি তা পধেন্দি আদিবাত্যে আর আমা পূরোণি মানুচ্চুনোর ইদু তে যেদক্কানি উঘুম, সুদোম আর হুকুম্‌ দিয়্যে সিয়েনি মানি চলিবাত্তে তে আমা মনানি তা উগুরে বিশ্বেজ্ থোক্‌।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

গীতসংহিতা 28:3

যিগুনে পাজি, যিগুনে বজং কাম্ গুরি গুরি বেড়ান্, যিগুনে বেক্কুনো সমারে গমেডালে কধা কন্ অদচ ভান্ন্যেয়ানি মনত্ রাগান্, তারা লগে সাজা দিবাত্তে তুই মরে টানি ন-নেযেচ্।

যিশাইয় 63:17

ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

দ্বি’লম্বর বিররণ 29:4

মাত্তর্‌ তুমি লগেপ্রভুত্তুন্‌ এচ্চ্যে সং সিয়েনি বুঝিবার মনান্‌, দেগিবার চোক্কুন আর শুনিবার কানানি ন-পঅ।

যাকোব 1:13

মন ভিদিরে পাপর টানান্ বুঝি পারিলে কেঅ যেন ন-কয়, “গোজেনে মরে পাপ ইন্দি টানের্।” কনঅ ভান্ন্যেইয়ানে গোজেনরে পাপ ইন্দি টানি ন-পারে, আর গোজেনেয়ো কাররে পাপ ইন্দি ন-টানে।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।