গীতসংহিতা 141:1 - Chakma Bible

¹ ও লগেপ্রভু, মুই তরে ডাগঙর্, তুই যাদিমাদি মইদু আয়; মুই ডাগিলে তুই শুনিচ্।

গীতসংহিতা 141:1 ပူးပေါင်းရင်းမြစ်များ

ইয়োব 7:21

কিত্তে তুই মঅ দুজ্‌ছান আর মঅ পাপ্পানি খেমা ন-গরচ্‌? মত্তুন্‌ দঅ যাদিমাদি মাদিত্‌ ঘুম্‌ যাহ্ পুরিবো; তুই মরে তোগেবে, মাত্তর্‌ মুই ন-থেম্‌।”

গীতসংহিতা 143:1

ও লগেপ্রভু, মর্ তবনাগান শুন্, মর্ কোজোলী গুরি কানানিগান তুই শুন্; তর্ বিশ্বেজ্‌‌চানে আর গম্ কামানিয়ে মরে জোব্ দে।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 22:19

মাত্তর্ তুই, ও লগেপ্রভু, দূরোত্ ন-থেচ্; ও মর্ বলান্, মরে বল্ দিবাত্তে যাদিমাদি উজেই আয়।

গীতসংহিতা 28:2

বল্ পেবাত্তে মুই যেক্কেনে তরে ডাগঙর্ আর তর্ দাঙর্ সুদ্ধো-সাংগ জাগানর্ ইন্দি আত্ তুলোং, সেক্কেনে তুই মর্ কোজোলীগান শুনিচ্।

গীতসংহিতা 40:13

ও লগেপ্রভু, দোয়্যে গুরিনে মরে বাঁজা; ও লগেপ্রভু, মরে বল্ দিবাত্তে যাদিমাদি আয়।

গীতসংহিতা 70:2

যিগুনে মরে মারে ফেলেবার চেরেস্তাদ্ আগন্ তারা লাজত্ পোড়োদোক্ আর অগমান ওদোক্; যিগুনে মর্ সর্বনাশ দেগিবাত্তে চান তারা মাধাবো তলেন্দি গুরি ফিরি যাদোক্।

গীতসংহিতা 70:5

মুই দুঘী আর অভাবী; ও গোজেন, তুই যাদিমাদি মইদু আয়। তুই দঅ মর্ এজালদিয়্যে আর উদ্ধোর্‌গুরিয়্যে; ও লগেপ্রভু, দেরি ন-গুরিচ্।

গীতসংহিতা 71:12

ও গোজেন, তুই মত্তুন্ দুরোত্ ন-থেচ্; ও মর্ গোজেন, মরে এজাল্ দিবাত্তে তুই যাদিমাদি আয়।