গীতসংহিতা 140:6 - Chakma Bible

⁶ ও লগেপ্রভু, মুই তরে কোইয়োং, “তুয়ই মর্ গোজেন।” ও লগেপ্রভু, মর্ কোজোলী গুরি কানানিগান তুই শুন্।

গীতসংহিতা 140:6 ပူးပေါင်းရင်းမြစ်များ

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গীতসংহিতা 119:57

ও লগেপ্রভু, তুই মর্ সোম্বোত্তি; মুই তঅ কধানি মানি চলিবাত্তে এগেম্ গোজ্যং।

গীতসংহিতা 130:2

ও প্রভু, মুই ডাগিলে শুনিচ্; মর্ এ কোজোলি গুরি কানানিগান তুই শুনিচ্।

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 143:1

ও লগেপ্রভু, মর্ তবনাগান শুন্, মর্ কোজোলী গুরি কানানিগান তুই শুন্; তর্ বিশ্বেজ্‌‌চানে আর গম্ কামানিয়ে মরে জোব্ দে।

গীতসংহিতা 16:2

মুই লগেপ্রভুরে কোইয়োং, “তুয়ই মর্ প্রভু; তুই বাদে আর্ কনকিজুত্ মর্ ভালেদি নেই।”

গীতসংহিতা 31:14

মাত্তর্ ও লগেপ্রভু, তঅ উগুরে মুই বিশ্বেজ্ গুরি আগঙ্; মুই কঙত্তে, “তুয়ই মর্ গোজেন।”

গীতসংহিতা 57:7

ও গোজেন, মঅ মনান্ থির্ আঘে, ন-লড়ে; মুই গান গেম, গানর্ সুর তুলিম।

গীতসংহিতা 64:1

ও গোজেন, তুই মর্ আবিত্তি গুরিবার্ কধানি শুন; তুই শত্রুর দর্ বুগোত্তুন মঅ পরাণান বাঁজা।

গীতসংহিতা 91:2

লগেপ্রভুর পৌইদ্যেনে মুই এ কধাগান্‌ কোম্, “তেয়ই মর্ আশ্রয় আর মর্ ঘর; তেয়ই মর্ গোজেন যিবে উগুরে মুই বিশ্বেজ্ গরং।”

যিরমিয় 18:22

তুই তারা বিরুদ্ধে অদাদত্ আক্রমন আনিলে তারার ঘরত্তুন কানানার্ রঅ শুনো যোক্, কিত্তে মরে ধুরিবাত্তে তারা গাদ্ খুজ্যন আর মঅ টেঙানিত্তে ফাল্ পাদি রাগেয়োন।

আবিলেচ্ 3:24

মুই মনে মনে কং, “লগেপ্রভু মর্ সোম্বোত্তি, সেনত্তে মুই তা উগুরে আজা রাগেম।”

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”