গীতসংহিতা 140:10 - Chakma Bible

¹⁰ তারা উগুরে জোল্‌জোল্যে আঙারা পোড়োক্; আগুনো ভিদিরে, গভীন্ গাদ ভিদিরে তারারে ফেলেই দিয়্যে ওক্; যেন তারা আর্ কনদিন্‌অ উদি এই ন-পারন্।

গীতসংহিতা 140:10 ပူးပေါင်းရင်းမြစ်များ

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 120:4

তে তরে যুদ্ধোর্ ধারেয়্যে সেল্ দিবো আর রোতম গাজর ধোক্‌‌ধোক্যে‌ আঙারা।

গীতসংহিতা 21:9

তর্ ফগদাং অবার্ অক্তত্ তুই তারারে তুলিবে ছুলোর্ ধোক্‌‌ধোক্যে আঙারা ধোক্ক্যেন। লগেপ্রভু রাগে তারারে গিলি ফেলেব, তা আগুনানে তারারে পুড়ি ফেলেব।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 64:9

সেক্কেনে বেক্কুনোর মনত্ দর্‌বুক লাগিবো; গোজেনে যিয়েন গোজ্যে তারা সিয়েন ফগদাং গুরিবাক্ আর সেই কধাগান ভাবিবাক্।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গম্ উপদেজ্ 28:10

গম্ মানুচ্চুনোরে যে ভান্ন্যেই পধেদি নেযায় তে তার নিজো গাদ্‌‌তোত্ পুরিবো, মাত্তর্ যিগুনে নিদ্দুযি তারার মংগল্ অবঅ।

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

মথি লেখ্যে গম্ হবর্ 13:42

সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 13:50

সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।”

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”