গীতসংহিতা 14:5 - Chakma Bible

⁵ গোজেনে তা ভক্তগুনোর্ লগে আঘে, সেনত্তেই সেই মানুচ্চুনে অমকদ দোরে দোরে থেবাক্।

গীতসংহিতা 14:5 ပူးပေါင်းရင်းမြစ်များ

ইষ্টের 8:7

সেক্কে রাজা অহশ্বেরশে রাণী ইষ্টের আর যিহূদী মর্দখয়রে কলদে, “হামনে যিহূদীগুনোর বিরুদ্ধে কাম্‌ গোজ্যে বিলিনে মুই তার্‌ সোম্বোত্তিগানি ইষ্টেররে দুয়োং আর মানুচ্চুনে তারে ফাসি দুয়োন।

গীতসংহিতা 112:2

তা গুট্টিগুনে পিত্‌থিমীত্ খেমতাবলা অবাক্; মনানি যিবের দোল্ তা গুট্টিবো বর্ পেবঅ।

গীতসংহিতা 22:30

ভবিচ্চদ্ বংশধরুনে তারে সেবা গুরিবাক্, আর সেই যুগোর্ মানুচ্চুনো ইদু প্রভুর পৌইদ্যেনে কুয়ো অবঅ।

গীতসংহিতা 24:6

এবাবোত্যে মানুচ্চুনে লগেপ্রভুর্ উবোসনা গরন, তারা তা মুয়োন্দি রিনি চান্; ইগুনে যাকোবর বংশ।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গীতসংহিতা 73:15

যুনি এ কধানি মুই মান্‌জ্যর ইদু কদুং, সালে এ কালত্ তঅ মানুচ্চুনোর ইদু মুই অবিশ্বেজি অদুং।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ শমূয়েল 14:15

ইয়েনর্ কারণে পলেষ্টীয়গুনোর যুদ্ধোর মাদর্‌ তাম্বুলোত্‌ আর বেক্‌ সৈন্যগুনো ভিদিরে এক্কান দর্‌বুক দেগা দিলো; এন্‌ কি, তারার মিক্‌মসর তাম্বুলোত্‌ আর আর্মিগুনেয়ো দরে গির্‌গিরা ধুরিলাক্, আর সেই লগে ভূজোল্অ বেলঅ। সেই অমহদ দরান্‌ গোজেনর ইত্তুন্‌ এচ্চ্যে।