গীতসংহিতা 14:4 - Chakma Bible

⁴ যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

গীতসংহিতা 14:4 ပူးပေါင်းရင်းမြစ်များ

ইয়োব 21:15

সেই বেগত্তুন্‌ খেমতাবলা গোজেনে কন্না, আমি তারে সেবা গুরিবোং? তাইদু তবনা গুরিলে আমার কি লাভ অবঅ?

ইয়োব 27:10

তারা কি বেগত্তুন্ খেমতাবলা গোজেনরে নিইনে হুজি অন্? তারা কি নিত্য গোজেনরে ডাগন্?

গীতসংহিতা 27:2

পাজি মানুচ্চুনে মরে গিলি হেবাত্তে যেক্কেনে উজেই এজন্ সেক্কে মর্ সেই শত্রু আর বিপক্ষগুনে উজোত্ হেইনে পড়ন্।

গীতসংহিতা 79:6

যিগুনে তরে মানি ন-নেযান্ সেই জাদ্‌তুনো উগুরে তঅ রাগ্‌কান ঢালি দে, ঢালি দে সে রেজ্যগানি উগুরে যিগুনে তরে তর্ যোগাজ্যে সর্মান ন-দুয়োন্;

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিরমিয় 10:25

যিদুক্কুন জাদে তরে স্বিগের্ ন-গরন, যিগুনে তরে ন-ডাগন, তারা উগুরে তঅ রাগ্‌‍‍‍কান ঢালি দে। তারা যাকোবরে পুরোপুরি ভস্ত গোজ্যন, তারা দেজ্‌‍‍‍চানরে ভস্ত গুরি দুয়োন।

হোশেয় 7:7

তারা বেক্কুনে তুন্দুরু ধোক্ক্যেন গরম ওইয়োন আর তারার্ শাজন্‌গুরিয়্যেগুনোরে তারা আগুনো ধোক্ক্যেন লেবেয়োন। তারার্ রাজাগুনে বেক্কুনে মোজ্যন্; তারা কনজনে মরে ন-ডাগন্।

আমোষ 8:4

তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

গালাতীয় 5:15

মাত্তর্ যুনি তুমি একজন আরেকজন সমারে কোল্-কোজ্জ্যে গরঅ সালে উজিয়ার্! এবাবোত্যে গুরিলে তুমি দঅ একজন আরেকজনরে ভস্ত গুরি ফেলেবা।